ປະຊາຊົນຢູ່ກໍາປູເຈຍ 1 ລ້ານຄົນ ຍັງສ່ຽງອັນຕະລາຍຈາກລະເບີດຕົກຄ້າງ
ທ່ານ ຮຸນ ມາເນັດ ນາຍົກລັດຖະມົນຕີກໍາປູເຈຍ ກ່າວວ່າ: ປະຊາຊົນເກືອບ 1 ລ້ານຄົນ ຍັງຕົກຢູ່ພາຍໃຕ້ອັນຕະລາຍຈາກອາວຸດທີ່ຍັງບໍ່ລະເບີດ ເຖິງວ່າຈະຜ່ານພົ້ນສົງຄາມາແລ້ວ 30 ກວ່າປີ.
ທ່ານ ຮຸນ ມາເນັດ ຜູ້ນໍາກໍາປູເຈຍ ເປີດເຜີຍວ່າ: ເນື້ອທີ່ປະມານ 1,700 ຕາກິໂລແມັດ ຫລື ປະມານ 2.5 ເທົ່າຂອງສິງກະໂປ ຍັງສ່ຽງຕໍ່ອັນຕະລາຍຈາກລະເບີດ ເຊິ່ງມີການຖິ້ມໄວ້ນັບແຕ່ຄວາມຂັດແຍ່ງສະໄໝລັດຖະບານຂະເໝນແດງ ໃນຍຸກທົດສະວັດ 1990.
ລາຍງານຫລາຍສະບັບລະບຸໃນທາງດຽວກັນວ່າ: ກໍາປູເຈຍເຄີຍເປັນປະເທດທີ່ມີທຸ່ນລະເບີດ, ລະເບີດລູກປາຍ ແລະ ອາວຸດທີ່ຍັງບໍ່ລະເບີດອີກຫລາຍຊະນິດ ຫລາຍທີ່ສຸດໃນໂລກ.
ທັງນີ້, ກໍາປູເຈຍມີຄວາມພະຍາຍາມໃນການເຮັດໃຫ້ປະເທດປາສະຈາກລະເບີດ ພາຍໃນປີ 2025 ແລະ ຈາກການຮ່ວມມືຂອງໜ່ວຍງານຕ່າງໆ ລວມທັງລັດຖະບານ, ທ້ອງຖິ່ນ ແລະ ໜ່ວຍງານສາກົນ ພື້ນດິນທີ່ປອດໄພແລ້ວ ໄດ້ຖືກປ່ຽນເປັນດິນເພື່ອກະສິກໍາ ໂດຍມີຈຸດມຸ້ງໝາຍເພື່ອປ່ຽນແປງ ແລະ ພັດທະນາເສດຖະກິດໃນຊົນນະບົດ.
