ຟໍຣິດາເສຍຫາຍໜັກ ພາຍຫລັງເຮີລິເຄນມິລຕັນພັດຖະຫລົ່ມ ເສຍຊີວິດແລ້ວຢ່າງໜ້ອຍ 17 ຄົນ

     ລັດຟໍຣິດາຂອງອາເມລິກາໄດ້ຮັບຄວາມເສຍຫາຍຢ່າງໜັກ ພາຍຫລັງເຮີລິເຄນມິລຕັນພັດຖະຫລົ່ມໃນກາງອາທິດຜ່ານມາ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 17 ຄົນ, ຫລາຍກວ່າ 2 ລ້ານຫລັງຄາເຮືອນບໍ່ມີກະແສໄຟຟ້າໃຊ້. ຂະນະທີ່ຫລາຍພື້ນທີ່ເກີດເຫດດິນເຈື່ອນ, ລະດັບນໍ້າເພີ່ມສູງຂຶ້ນຢ່າງວ່ອງໄວ, ພົນລະເມືອງຢູ່ຟໍຣິດາບາງສ່ວນຕ້ອງອົບພະຍົບອອກຈາກພື້ນທີ່ປະສົບໄພ. 

     ທໍານຽບຂາວລະບຸວ່າ: ທ່ານ ໂຈ ໄບເດນ ປະທານາທິບໍດີອາເມລິກາ ກຽມເດີນທາງໄປຟໍຣິດາໃນວັນທີ 13 ຕຸລານີ້ ເພື່ອສໍາຫລວດຄວາມເສຍຫາຍ ແລະ ຜົນກະທົບທີ່ເກີດຂຶ້ນຈາກເຮີລິເຄນມິລຕັນ, ພ້ອມກ່າວຍ້ອງຍໍພົນລະເມືອງອາເມລິກາຈໍານວນຫລາຍທີ່ຊ່ວຍເຫລືອກັນໃນຍາມປະສົບບັນຫາ.

ອ້າງອີງ:

• https://www.nbcnews.com/weather/hurricanes/live-blog/hurricane-milton-aftermath-live-updates-rcna174988
• https://www.cbsnews.com/live-updates/hurricane-milton-2024/