ນັກບິນເສຍຊິວິດກະທັນຫັນ ຂະນະເຮືອບິນຢູ່ເທິງຟ້າ ນັກບິນຮ່ວມ ແລະ ຜູ້ຊ່ວຍ ໄດ້ນຳເຮືອບິນລົງຈອດສຸກເສີນ

ວັນທີ 9 ຕຸລາ 2024 ສຳນັກຂ່າວຕ່າງປະເທດລາຍງານວ່າ: ນັກບິນສາຍການບິນ Turkish Airlines ຖ້ຽວບິນTK204 ເຮືອບິນແບບແອບັສA350 ທະບຽນ TC-LGR ບິນຈາກຊີແອດເທີນ-ອິສຕັນບຣູ ຕ້ອງໄດ້ລົງຈອດສຸກເສີນທີ່ສະໜາມບິນ ຈອນ ເອຟ ເຄນເນດີ ນີວຢອກ ປະເທດ ອາເມລິກາ ຍ້ອນນັກບິນໝົດສະຕິ ແລະ ເສຍຊີວິດ ເທິງເຮືອບິນຂະນະກຳລັງບິນຢູ່ເທິງຟ້າ.

ນັກບິນ İlçehin Pehlivan ອາຍຸ 59 ປີ ໄດ້ໜົດສະຕິໃນລະຫວ່າງບິນ, ຂະນະກຳລັງບິນຢູ່ນັ້ນມີການຊ່ວຍເຫລືອປະຖົມພະຍາບານເບື່ອງຕົ້ນ ແຕ່ບໍ່ສາມາດຊ່ວຍຊີວິດນັກບິນໄວ້ໄດ້. ນັກບິນຮ່ວມ ແລະ ຜູ້ຊ່ວຍ ໄດ້ນຳເຮືອບິນລົງຈອດສຸກເສີນທີ່ສະໜາມບິນ ຈອນ ເອຟ ເຄນເນດີ.

ຂໍ້ມູນລະບຸວ່າ: ນັກບິນ İlçehin Pehlivan ປັດຈຸບັນ ອາຍຸ 59 ປີ ມີການກວດສຸຂະພາບຕະຫລອດ ແລະ ກວດສຸຂະພາບຄັ້ງຫລ້າສຸດວັນທີ 8 ມີນາ 2024 ທີ່ສູນການແພດການບິນ ສຸຂະພາບແຂງແຮງດີ. ເຊິ່ງໄດ້ເຮັດວຽກຢູ່ ເຕີກິສແອລາຍ ຕັ້ງແຕ່ປີ 2007 ເປັນຕົ້ນມາ.

CR: World Forum