ພະຍາດໝາກສຸກລີງຂ້າຊີວິດຊາວອາຟຣິກາເຖິງ 800 ຄົນ ຕິດເຊື້ອສະສົມອີກ 34,000 ກວ່າຄົນ

      ສູນຄວບຄຸມ ແລະ ປ້ອງກັນພະຍາດອາຟຣິກາ (ອາຟຣິກາຊີດີຊີ) ເປີດເຜີຍວ່າ: ມີຜູ້ເສຍຊີວິດຈາກພະຍາດໝາກສຸກລີງສະສົມ 800 ກວ່າຄົນ ທົ່ວອາຟຣິກາ ແລະ ການລະບາດຍັງບໍ່ສາມາດຄວບຄຸມໄດ້.

      ອາຟຣິກາຊີດີຊີເປີດເຜີຍວ່າ: ນັບແຕ່ເດືອນມັງກອນຜ່ານມາ ມີລາຍງານຜູ້ຕິດເຊື້ອພະຍາດໝາກສຸກລີງ 34,297 ຄົນ ທົ່ວທະວີບ ລວມທັງ 38 ຄົນຢູ່ການາ ເຮັດໃຫ້ຈໍານວນປະເທດທີ່ກວດພົບຜູ້ຕິດເຊື້ອເພີ່ມຂຶ້ນເປັນຢ່າງໜ້ອຍ 16 ປະເທດໃນປີນີ້.

     ທ່ານໝໍ ໝອງ ກາເຊຢາ ຜູ້ອໍານວຍການອາຟຣິກາຊີດີຊີ ກ່າວວ່າ: ການລະບາດຍັງບໍ່ສາມາດຄວບຄຸມໄດ້ ແລະ ຈໍານວນຜູ້ເສຍຊີວິດສະສົມນັບແຕ່ຕົ້ນປີນີ້ມີຢ່າງໜ້ອຍ 866 ຄົນ. ຂະນະທີ່ອັດຕາການກວດກາເຊື້ອຍັງຕໍ່າເກີນໄປ.

      ໃນອາທິດຜ່ານມາ ມີລາຍງານຜູ້ຕິດເຊື້ອພະຍາດໝາກສຸກລີງເພີ່ມອີກ 2,500 ຄົນ ໃນທະວີບອາຟຣິກາ.

   ທັງນີ້, ຄອງໂກ ເຊິ່ງເປັນສູນກາງການລະບາດເລີ່ມສັກວັກຊີນປ້ອງກັນພະຍາດໝາກຸກລີງໃຫ້ປະຊາຊົນແລ້ວ ນັບແຕ່ວັນທີ 2 ຕຸລາຜ່ານມາ.