ພາຍຸໄຕ້ຝຸ່ນ ກະທ້ອນ ພັດຂຶ້ນຝັ່ງໄຕ້ຫວັນ ທີ່ເມືອງກາວສົງ ເສຍຫາຍຫລາຍ

ສໍານັກຂ່າວໄຕ້ຫວັນ Taiwan News ລາຍງາຍວ່າ: ເວລາ 13:00 ໂມງ ວັນທີ 3 ຕຸລາ 2024 ນີ້ ພາຍຸໄຕ້ຝຸ່ນ ກະທ້ອນ ໄດ້ພັດຂຶ້ນຝັ່ງໄຕ້ຫວັນ ທີ່ເມືອງກາວສົງ ເຮັດໃຫ້ໂຄງສ້າງພື້ນຖານ ແລະ ຕົ້ນໄມ້ຢູ່ແຄມທາງຫັກລົ້ມເສຍຫາຍຫລາຍ, ເບື້ອງຕົ້ນມີລາຍງານຜູ້ເສຍຊີວິດແລ້ວ 2 ຄົນ, ບາດເຈັບຢ່າງ ໜ້ອຍ 70 ຄົນ ແລະ ສູນຫາຍ 2 ຄົນ.

ນອກນີ້, ທາງການຍັງໄດ້ ອົບພະຍົບ ປະຊາຊົນເກືອບ 10,000 ຄົນ ອອກໄປສຢູ່ເຂດປອດໄພ, ສໍານັກອຸຕຸນິຍົມຂອງໄຕ້ຫວັນຄາດວ່າພາຍຸໄຕ້ຝຸ່ນກະທ້ອນຈະພັດຂຶ້ນຝັ່ງທີ່ເມືອງ ກາວສົງ ແລະ ຈະອ່ອນກໍາລັງລົງເປັນພາຍຸດີເປຣຊັນ ໃນວັນທີ 4 ຕຸລານີ້.