ມອບ-ຮັບວຽກງານຂອງຂະແໜງພາຍໃນເມືອງຮົ່ມຕາມທິດ 3 ສ້າງ
ພິທີມອບ-ຮັບວຽກງານ ຂອງຂະແໜງພາຍໃນ ເມືອງຮົ່ມ ແຂວງໄຊສົມບູນ ຕາມທິດ 3 ສ້າງ ທີ່ລັດຖະບານມອບ ໃຫ້ຂະແໜງ ການຢູ່ທ້ອງຖິ່ນຮັບຜິດຊອບ ແລະ ແກ້ໄຂ້ໂດຍກົງ, ໄດ້ມີຂຶ້ນໃນວັນ ທີ 8 ພະຈິກນີ້, ທີ່ເມືອງຮົ່ມ, ໂດຍ ການເຂົ້າຮ່ວມຂອງທ່ານ ດົວຊົ່ງ ໝື່ນສົມພູ ປະທານກວດກາພັກ- ລັດເມືອງຮົ່ມ ແລະ ທ່ານ ຮອງຫົວ ໜ້າ ພະແນກພາຍໃນ ແຂວງໄຊ ສົມບູນ; ພ້ອມດ້ວຍພະນັກງານ ວິຊາການ ເຂົ້າຮ່ວມເປັນຈຳນວນ ຫລາຍເພື່ອແນໃສ່ສົ່ງເສີມການ ປະຕິບັດນະໂຍບາຍອຸດໜູນເທື່ອ ດຽວ, ການປະຕິບັດນະໂຍບາຍ ຕໍ່ລັດ ຖະກອນ ທີ່ເຮັດວຽກກັບ ທາດເບື່ອ, ເຄມີ ແລະ ສານພິດ ຕ່າງໆ, ການປະຕິບັດນະໂຍ ບາຍ ຕໍ່ລັດຖະກອນເສຍກຳລັງ ແຮງງານ, ການເລື່ອນລັດຖະ ກອນຝຶກງານຂຶ້ນເປັນລັດຖະ ກອນສົມບູນ, ການເລື່ອນຊັ້ນ- ຂັ້ນເງິນເດືອນປົກກະຕິ, ການອະ ນຸມັດ ດັດແກ້ ຊັ້ນ-ຂັ້ນເງິນເດືອນ ຕາມອາຍຸການ, ການອະນຸມັດ ດັດແກ້ຊັ້ນ-ຂັ້ນເງິນເດືອນ ຕາມ ການສອບເສັງ, ຕາມຕຳແໜ່ງ ບໍລິຫານ ແລະ ຕາມການຕົກ ຄ້າງ ເລື່ອນປົກກະຕິ. ທັງນີ້, ເພື່ອ ເປັນການແບ່ງຂັ້ນຄຸ້ມຄອງ ແລະ ຄວາມຮັບຜິດຊອບວຽກງານ ລະຫວ່າງແຂວງກັບເມືອງ ຕາມ ທິດ 3 ສ້າງໃນຂອບເຂດ ສິດ ແລະ ໜ້າທີ່ຂອງຕົນ ໃຫ້ດໍາເນີນ ໄປຢ່າງແຂງແຮງ ແລະ ຕໍ່ເນື່ອງ.
+ ມອບ-ຮັບໂຄງການສ້ອມແປງອາຣາມວັດວີຊຸນ
+ ຈຳປາສັກ-ອັດຕະປືແລກປ່ຽນບົດຮຽນວຽກງານ ຖວທ
ໃນພິທີຍັງໄດ້ມີການລົງ ນາມມອບ-ຮັບວຽກງານດັ່ງ ກ່າວ ລະຫວ່າງທ່ານ ລາວຢ່າງ ຈາວ່າ ຮອງຫົວໜ້າພະແນກ ພາຍໃນແຂວງ ແລະ ທ່ານ ໄທລໍ່ ລໍ່ຊ້າງເບຼ່ຍຢ້າວ ກຳມະການ ພັກເມືອງຫົວໜ້າຫ້ອງການ ພາຍໃນເມືອງຮົ່ມ.
