ອຸຕຸເຕືອນ! 5-8 ຕຸລານີ້ ສປປ ລາວ ຈະໄດ້ຮັບອິດທິພົນຈາກພາຍຸໝູນເຂດຮ້ອນທີ່ຈະເຄື່ອນທີ່ຢູ່ເຂດທະເລຈີນໃຕ້

ກົມອຸຕຸນິຍົມ ແລະ ອຸທົກກະສາດ ອອກຄໍາເຕືອນເຝົ້າລະວັງໃນໄລຍະຕົ້ນອາທິດຂອງເດືອນ ຕຸລາ 2024 ນີ້ ວ່າ: ໄລຍະວັນທີ 5 – 8 ຕຸລາໜ້ານີ້ ຄາດວ່າ ສປປ ລາວ ຈະໄດ້ຮັບອິດທິພົນຈາກພາຍຸໝູນເຂດຮ້ອນ ທີ່ຈະເຄື່ອນທີ່ຢູ່ເຂດທະເລຈີນໃຕ້ ຕອນເທີງ, ເຊິ່ງຈະເຮັດໃຫ້ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍ ຫາ ປານກາງຢູ່ບາງທ້ອງຖິ່ນໃນແຕ່ລະພາກ.

ສ່ວນ ໄລຍະ ແຕ່ເດືອນ ພະຈິກ ຫາ ທັນວາ 2024 ມວນອາກາດເຢັນທີ່ມີກໍາລັງແຮງຈະປົກຄຸມເຂດພາກເໜືອ ແລະ ພາກກາງ ເຊິ່ງຈະເຮັດໃຫ້ອາກາດໜາວເຢັນ ຫາ ໜາວເຢັນຫລາຍ ຢູ່ແຂວງພາກເໜືອ, ແຂວງໄຊສົມບູນ, ເມືອງຄໍາເກີດ ແຂວງ ບໍລິຄໍາໄຊ ແລະ ເຂດພູພຽງບໍລະເວນ.

ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອົງການປົກຄອງທ້ອງຖິ່ນ ແລະ ອົງການຈັດຕັ້ງທຸກພາກສ່ວນຈົ່ງມີສະຕິລະມັດລະວັງຕໍ່ສະພາບດັ່ງກ່າວ. ຂໍໃຫ້ຕິດຕາມຂ່າວພະຍາກອນອາກາດ ແລະ ລະດັບນໍ້າຈາກກົມອຸຕຸນິຍົມ ແລະ ອຸທົກກະສາດຢ່າງເປັນປະຈໍາ.