5 ວີທີສາກແບັດເຕີຣີທີ່ບໍ່ຖືກຕ້ອງ
ວິທີຕື່ມແບັດເຕີຣີ ຫລື ສາກແບັດເຕີຣີ iPhone, iPod, iPad ໃນປະຈຸບັນນີ້ມີຫລາຍຮູບແບບໄປຕາມແຕ່ລະຄວາມມັກຂອງແຕ່ລະຄົນ ເຊິ່ງເຫລົ່ານີ້ເຮັດໃຫ້ເກີດການແນະນຳທີ່ບໍ່ຖືກວິທີ ແລະ ມື້ນີ້ພວກເຮົາກໍໄດ້ນຳເອົາຂໍ້ມູນດີໆຈາກ ເວັບໄຊ iphonesimple.com ມາແນະນຳທ່ານ.
– ບໍ່ຖືກຕ້ອງອັນທີ 1 ໃຊ້ອຸປະກອນຕື່ມແບັດເຕີຣີທີ່ບໍ່ໄດ້ມາດຕະຖານ (ອັນຕະລາຍເຖິງຊີວິດ) : ເປັນຫົວຂໍ້ທ່ີຖືກເວົ້າເຖິງຕະຫລອດ ແຕ່ຄົນສ່ວນຫລາຍກໍຍັງມັກເບິ່ງຫາສິ່ງຂອງລາຄາຖືກ ເຊິ່ງການໃຊ້ອຸປະກອນຕື່ມແບັດເຕີຣີທີ່ບໍ່ໄດ້ມາດຕະຖານນັ້ນສ່ຽງເຮັດໃຫ້ເກີດອັນຕະລາຍເຖິງແກ່ຊີວິດໄດ້.
– ບໍ່ຖືກຕ້ອງອັນທີ 2 ຕື່ມແບັດເຕີຣີ ແລະ ໃຊ້ໂທ ຫລື ຫລິ້ນໂທລະສັບໄປພ້ອມໆກັນ(ສ່ຽງລະເບີດ): ມີຈາກຫລາຍແຫ່ລງທີ່ມາລະບຸວ່າສາມາດຕື່ມແບັດເຕີຣີໄດ້ບໍ່ມີບັນຫາ ໂດຍ Mashable ລະບຸວ່າ : ຄວາມຈິງແລ້ວສາເຫດການລະເບີດສ່ວນຫລາຍນັ້ນມາຈາກອຸປະກອນຕື່ມແບັດເຕີຣີປອມ, ແຕ່ຍ້ອນວ່າອຸປະກອນເອເລັກໂຕຣນິກນັ້ນກໍຫ້າມຮ້ອນເກີນອຸນຫະພູມທີ່ກຳ ນົດໄວ້ຢູ່ແລ້ວ.
– ບໍ່ຖືກຕ້ອງອັນທີ 3 ຕື່ມແບັດເຕີຣີຂ້າມຄືນ : ມີການຢັ້ງຢືນຈາກຜູ້ໃຊ້ຫລາຍໆຄົນໃນເມືອງບອກວ່າການຕື່ມແບັດເຕີຣີຂ້າມຄືນສົ່ງຜົນກະທົບຕໍ່ແບັດເຕີຣີຂອງໜ່ວຍໂທລະສັບ, ແຕ່ກໍຍັງບໍ່ມີການທົດລອງມາໃນຮູບແບບແລັບທັອບຈຶ່ງ ຍັງບໍ່ສາມາດຢັ້ງຢືນໄດ້ຈະແຈ້ງວ່າສ້າງຄວາມເສຍຫາຍໄດ້ຫລາຍໜ້ອຍປານໃດ, Mashable ແນະນຳວ່າຜູ້ໃຊ້ງານຄວນຮັກສາແບັດເຕີຣີຂອງໂທລະສັບໄວ້ໃຫ້ຢູ່ໃນລະຫ່ວາງ 40 – 80 % ຈະດີທີ່ສຸດ.
– ບໍ່ຖືກຕ້ອງອັນທີ 4 ຂາດການປິດເຄື່ອງ : ໃນຊີວິດປະຈຳວັນເຮົາປິດເຄື່ອງ iPhone ໜ້ອຍຫລາຍ ໜ້ອຍກ່ວາການປິດຄອມພິວເຕີ ເຊິ່ງ Apple Genius ໄດ້ເປີດເຜີຍວ່າ : ການປິດເຄື່ອງ iPhone ຈະເຮັດໃຫ້ແບັດເຕີຣີຟື້ນຟູໂຕເອງ ໂດຍຄວນເຮັດຢ່າງໜ້ອຍອາທິດລະ 1 ເທື່ອ ຈະຊ່ວຍຟື້ນຟູແບັດເຕີຣີໄດ້ດີ.
– ບໍ່ຖືກຕ້ອງອັນທີ 5 ຕື່ມແບັດເຕີຣີເມື່ອເຫລືອ 0% : ເລື່ອງນີ້ເປັນເລື່ອງທີ່ຄົນຮູ້ກັນຫລາຍຢູ່ພໍສົມຄວນ ວ່າມາດຕະຖານຂອງ Lithium Ion (Polymer) ນັ້ນຫ້າມປ່ອຍໃຫ້ແບັດເຕີຣີໝົດໄປຢູ່ 0% ເພາະຈະເຮັດໃຫ້ແຊນແບັດເຕີຣີເສື່ອມ ແລະ ຈະຕ້ອງໃຊ້ໄຟໃນການກະຕຸ້ນດົນ ໜ່ວຍໂທລະສັບຈຶ່ງຈະເປີດເຄື່ອງໄດ້.
