ນ້ຳຖ້ວມໃຫຍ່ຢູ່ມຽນມາມີຜູ້ເສຍຊີວິດແລ້ວ 30 ກວ່າຄົນ ລັດຖະບານຂໍໃຫ້ນາໆຊາດຊ່ວຍເຫລືອ

September 14, 2024 - 11:27 AM

ນ້ຳຖ້ວມໃຫຍ່ຢູ່ມຽນມາມີຜູ້ເສຍຊີວິດແລ້ວ 30 ກວ່າຄົນ ລັດຖະບານຂໍໃຫ້ນາໆຊາດຊ່ວຍເຫລືອ - kitchen vibe - ນ້ຳຖ້ວມໃຫຍ່ຢູ່ມຽນມາມີຜູ້ເສຍຊີວິດແລ້ວ 30 ກວ່າຄົນ ລັດຖະບານຂໍໃຫ້ນາໆຊາດຊ່ວຍເຫລືອ

ເປັນເລື່ອງທີ່ບໍ່ເຄີຍເກີດຂຶ້ນມາກ່ອນ ເມື່ອລັດຖະບານທະຫານມຽນມາປະກາດຂໍການຊ່ວຍເຫລືອຈາກຕ່າງປະເທດ ເພື່ອແກ້ໄຂວິກິດອຸທົກກະໄພ ເຊິ່ງມີປະຊາຊົນໃນປະເທດເສຍຊີວິດແລ້ວ 30 ຄົນ.

ວັນທີ 14 ກັນຍາ, ໂກບອນ ນິວ ໄລ ອອບ ມຽນມາ ເຊິ່ງເປັນສື່ກະບອກສຽງຂອງລັດຖະບານທະຫານມຽນມາ ລາຍງານວ່າ: ພົນເອກ ມິນ ອ່ອງ ຫລ່າຍ ຜູ້ບັນຊາການທະຫານສູງສຸດ ແລະ ຜູ້ນໍາລັດຖະບານທະຫານມຽນມາ ມີຄໍາສັ່ງໃຫ້ເຈົ້າໜ້າທີ່ໜ່ວຍງານລັດ ຕິດຕໍ່ປະສານງານກັບໜ່ວຍງານຕ່າງປະເທດ ເພື່ອຂໍການສະໜັບສະໜູນດ້ານການກູ້ໄພ ແລະ ການມອບການຊ່ວຍເຫລືອໃຫ້ປະຊາຊົນໃນພື້ນທີ່ປະສົບອຸທົກກະໄພ.

ນ້ຳຖ້ວມໃຫຍ່ຢູ່ມຽນມາມີຜູ້ເສຍຊີວິດແລ້ວ 30 ກວ່າຄົນ ລັດຖະບານຂໍໃຫ້ນາໆຊາດຊ່ວຍເຫລືອ - Visit Laos Visit SALANA BOUTIQUE HOTEL - ນ້ຳຖ້ວມໃຫຍ່ຢູ່ມຽນມາມີຜູ້ເສຍຊີວິດແລ້ວ 30 ກວ່າຄົນ ລັດຖະບານຂໍໃຫ້ນາໆຊາດຊ່ວຍເຫລືອ

ທັງນີ້, ຂໍ້ມູນຈາກກະຊວງການສື່ສານມຽນມາ ຢືນຢັນຈໍານວນຜູ້ເສຍຊີວິດຈາກອຸທົກກະໄພຄັ້ງນີ້ ເຊິ່ງເປັນຜົນຈາກອິດທິພົນທີ່ຍັງເຫລືອຢູ່ຂອງພາຍຸຢາກິວ່າມີຢ່າງໜ້ອຍ 33 ຄົນ ພາຍໃນໄລຍະເວລາປະມານ 1 ອາທິດ ແລະ ປະຊາຊົນຫລາຍກວ່າ 235,000 ຄົນ ຕ້ອງອົບພະຍົບອອກຈາກບ່ອນຢູ່ອາໄສ.

ນອກຈາກນີ້, ລັດຖະບານທະຫານມຽນມາຍອມຮັບວ່າ: ຂາດການຕິດຕໍ່ກັບເຈົ້າໜ້າທີ່ໃນບາງພື້ນທີ່ ແລະ ກໍາລັງກວດສອບລາຍງານຂອງສື່ທ້ອງຖິ່ນບາງແຫ່ງ ເຊິ່ງລະບຸວ່າ: ເກີດເຫດດິນເຈື່ອນຢູ່ບໍ່ຄໍາແຫ່ງໜຶ່ງໃນເມືອງມັນທະເລ ທາງພາກກາງຂອງປະເທດ.

ຢ້ອນກັບໄປໃນປີ 2008 ມຽນມາໄດ້ຮັບຄວາມເສຍຫາຍຢ່າງຮຸນແຮງເປັນວົງກວ້າງຈາກອິດທິພົນຂອງພາຍຸນາກິ ເຊິ່ງຂ້າຊີວິດປະຊາຊົນບໍ່ຕໍ່າກວ່າ 138,000 ຄົນ, ທໍາອິດລັດຖະບານທະຫານມຽນມາໃນເວລານັ້ນ ຢືນຢັນປະຕິເສດການຊ່ວຍເຫລືອຈາກຕ່າງປະເທດ ແຕ່ຍິນຍອມໃນເວລາຕໍ່ມາ ພາຍຫລັງຖືກກົດດັນຢ່າງໜັກຈາກຫລາຍຝ່າຍ.

ອ້າງອີງ: