ລູກຊາຍ ປະທານາທິບໍດີ ໂຈ ໄບເດັນ ຍອມຮັບຜິດຄະດີຫລີກລ່ຽງພາສີ

ວັນທີ 6 ກັນຍາ 2024, ສຳນັກຂ່າວຕ່າງປະເທດລາຍງານຂ່າວວ່າ: ທ່ານ ຮັນເຕີ ໄບເດັນ ອາຍຸ 54 ປີ ລູກຊາຍ ທ່ານ ໂຈ ໄບເດັນ ປະທານາທິບໍດີ ສະຫະລັດອາເມລິກາ ຍອມຮັບຜິດໃນຄະດີຫລີກລ່ຽງພາສາ 9 ຄະດີ ທີ່ຖືກຮ້ອງຟ້ອງເມື່ອເດືອນທັນວາ 2023 ທີ່ຜ່ານມາ, ໃນນາທີສຸດທ້າຍຂອງການຂຶ້ນສານ ວັນທີ 5 ກັນຍາ 2024 ຫລັງຈາກກ່ອນໜ້ານີ້ລາວໄດ້ປະຕິເສດຂໍ້ກ່າວຫາທີ່ລະບຸວ່າ: ລາວຕັ້ງໃຈຫລີກລ່ຽງພາສີລະຫວ່າງປີ  2016-2019 ເປັນຈຳນວນເງິນ 1,400,000 ໂດລາ ຫລື ປະມານ 31 ຕື້ກວ່າກີບ.

ຄະດີດັ່ງກ່າວ, ສານຈະພິຈາລະນາຕັດສິນໂທດໃນວັນທີ 16 ທັນວາ 2024 ນີ້, ເຊິ່ງອາດຈະໄດ້ຮັບໂທດຕັດອິດສະລະພາບສູງສຸດ 17 ປີ ແລະ ຖືກປັບໃໝເງິນ 1,350,000 ໂດລາ ຫລື ປະມານ 29 ຕື້ກວ່າກີບ.