ຢູໂດຊີງແຊ໊ມຂັນປະທານ ສຢລ ຄັ້ງທີ 9 ປີ 2017 ຈະເປີດສາກຂຶ້ນເສົານີ້
ສະຫະພັນກິລາຢູໂດແຫ່ງຊາດລາວ (ສຢລ) ກຽມຈັດ ການແຂ່ງຂັນກິລາຢູໂດ ທົ່ວ ປະເທດຄັ້ງທີ 9 ຊີງຂັນປະ ທານ ສຢລ ຫລື ລາຍການ All Lao Judo Championships 2017 LAO NA TIONAL ASSEMBLY PRESIDENT’S CUP ຈະຈັດຂຶ້ນລະຫວ່າງວັນທີ 11-12 ພະຈິກ 2017 ທີ່ສູນ ກິລາໃນຮົ່ມ ບູໂດເຊັນເຕີ ລາວ-ຍີ່ປຸ່ນ ເມືອງຈັນທະບູລີ ນະຄອນຫລວງວຽງຈັນ. ຂະ ນະທີ່ຫລາຍພາກສ່ວນໃຫ້ການສະໜັບສະໜູນການແຂ່ງຂັນ ລາຍການດັ່ງກ່າວ ລວມມູນ ຄ່າ 54 ລ້ານກວ່າກີບ.
ພິທີຖະແຫລງຂ່າວການກະກຽມຄວາມຈັດການແຂ່ງຂັນກິລາຢູໂດ ຄັ້ງທີ 9 ທົ່ວປະ ເທດ ປະຈຳປີ 2017 ຊີງຂັນ ປະທານ ສຢລ ໃນຄັ້ງນີ້ ໄດ້ມີ ຂຶ້ນໃນຕອນແລງວັນທີ 6 ພະ ຈິກຜ່ານມາ ທີ່ສູນກິລາໃນຮົ່ມ ບູໂດເຊັນເຕີ ລາວ-ຍີ່ປຸ່ນ ໂດຍ ໃຫ້ກຽດເຂົ້າຮ່ວມຂອງທ່ານ ເຂັມຊາດ ພິລາພັນເດຊ ປະ ທານສະຫະພັນກິລາຢູໂດແຫ່ງຊາດລາວ ພ້ອມດ້ວຍບັນດາ ຄະນະບໍລິຫານ ສຢລ, ຜູ້ໃຫ້ ການສະໜັບສະໜູນ, ບັນດາ ພະນັກງານວິຊາການທີ່ກ່ຽວ ຂ້ອງ ແລະ ສື່ມວນຊົນທຸກຂະ ແໜງການເຂົ້າຮ່ວມ.
ໂອກາດນີ້, ທ່ານ ເຂັມ ຊາດ ພິລາພັນເດຊ ປະທານສະ ຫະພັນຢູໂດແຫ່ງຊາດລາວ ກ່າວໃຫ້ສື່ມວນຊົນຊາບວ່າ: ການແຂ່ງຂັນກິລາຢູໂດຊິງ ແຊ໊ມ ທົ່ວປະເທດ ຄັ້ງທີ 9 ຄັ້ງ ນີ້ ຈັດຂຶ້ນເພື່ອເປັນການໃຫ້ນັກ ກິລາຮຸ່ນສືບທອດມີຄວາມກ້າສະແດງອອກໃນເວທີການ ແຂ່ງຂັນ ແລະ ແນໃສ່ເລືອກ ເຟັ້ນນັກກິລາຜູ້ມີພອນສະຫວັນດີເດັ່ນ ສົ່ງເຂົ້າຮ່ວມແຂ່ງຂັນ ງານມະຫາກຳກິລາ ຊາວໜຸ່ມ ໂອແລມປິກ 2018 ຫລື ລາຍ ການ Youth Olympic ຈະ ຈັດຂຶ້ນໃນເດືອນຕຸລາ 2018 ທີ່ປະເທດອາເຈນຕີນ່າ ຮັບ ກຽດເປັນເຈົ້າພາບ, ຮ່ວມງານ ມະຫາກຳກິລາຊີເກມ ຄັ້ງທີ 30 ທີ່ປະເທດຟີລິບປິນ ປີ 2019 ແລະ ການແຂ່ງຂັນກິ ລາໂອແລມປິກ ປີ 2020 ທີ່ ປະເທດຍີ່ປຸ່ນ ຮັບກຽດເປັນເຈົ້າ ພາບ, ລາຍການແຂ່ງຂັນດັ່ງ ກ່າວ ຈະມີນັກກິລາຢູໂດ 134 ຄົນ ໃນຂອບເຂດທົ່ວປະເທດ ເຂົ້າຮ່ວມທັງໝົດ 10 ສະໂມ ສອນ ພິເສດຈະມີນັກກິລາ ແຂວງສະຫວັນນະເຂດ ສົ່ງ ເຂົ້າຮ່ວມ 20 ກວ່າຄົນ ແລະ ນັກກິລາສະໂມສອນອີໂປຄັບ ແຂວງຂອນແກ່ນ ປະເທດໄທ ສົ່ງເຂົ້າຮ່ວມ 10 ກວ່າຄົນ. ນອກຈາກນັ້ນ, ກໍມີກໍາມະການ ຕັດສິນຕົວຫລັກ ທັງໝົດ 6 ທ່ານ, ໃນນັ້ນ ສະເພາະນັກກິ ລາ ຈຳນວນ 134 ຄົນ ໄດ້ຈັດ ແບ່ງອອກເປັນ 40 ຮຸ່ນຄື: ປະເພດອະນຸຊົນ ຕໍ່າກວ່າ 12 ປີ ມີ: 13 ຮຸ່ນນ້ຳໜັກປະເພດ ເຍົາວະຊົນ ອາຍຸ 13-15 ປີ ມີ 10 ຮຸ່ນນໍ້າໜັກ, ປະເພດເຍົາ ວະຊົນ ອາຍຸ 16-18 ປີມີ 9 ຮຸ່ນນໍ້າໜັກ ແລະ ປະເພດປະ ຊາຊົນ ອາຍຸ 19 ປີຂຶ້ນໄປມີ 8 ຮຸ່ນນໍ້າໜັກ. ນອກຈາກນັ້ນ, ຍັງມີການຊີງຂັນຊະນະເລີດ ຂອງ ທ່ານ ປະທານສະພາ ແຫ່ງຊາດ ໃນປະເພດຕ່າງໆຄື: ຂັນປະເພດທີມຄະແນນລວມດີເດັ່ນ 1 ຂັນ, ຂັນປະເພດທີມປະ ສົມ ຊາຍ-ຍິງ 1 ຂັນ, ຂັນປະ ເພດທີມອະນຸຊົນ ຊາຍ-ຍິງ 1 ຂັນ.
