ພາຍຸເຂດຮ້ອນຢາຊິພັດຖະຫລົ່ມຟີລິບປິນ ມີຜູ້ເສຍຊີວິດແລ້ວ 11 ຄົນ

ວັນທີ 3 ກັນຍາ 2024, ສໍານັກງານປ້ອງກັນ ແລະ ບັນເທົາໄພພິບັດຂອງຟີລິບປິນ ລາຍງານວ່າ: ອິດທິພົນຂອງພາຍຸເຂດຮ້ອນ ຢາກິ ສ້າງຄວາມເສຍຫາຍເປັນວົງກວ້າງໃຫ້ແກ່ເກາະ ລູຊອນ ເຊິ່ງເປັນເກາະຂະໜາດໃຫຍ່ທີ່ສຸດ ແລະ ຕັ້ງຢູ່ທາງເໜືອຂອງປະເທດ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 11 ຄົນ ໂດຍທີ່ ເຂດບີໂຄລ ຂອງເກາະ ລູຊອນ ໄດ້ຮັບຄວາມເສຍຫາຍຫລາຍທີ່ສຸດ.

ຂະນະທີ່ທາງການໄດ້ເລັ່ງ ອົບພະຍົບປະຊາຊົນໃນພື້ນທີ່ສ່ຽງ ຫລາຍກວ່າ 210,000 ຄົນ, ແຕ່ການດໍາເນີນງານເປັນໄປຢ່າງຊັກຊ້າ ເນື່ອງຈາກຝົນທີ່ຕົກໜັກ ບວກກັບຄວາມສ່ຽງຂອງການເກີດດິນເຈື່ອນ, ໂຮງຮຽນ ແລະ ສະຖານທີ່ເຮັດວຽກຂອງລັດທຸກແຫ່ງຢູ່ນະຄອນຫລວງມະນິລາ ແລະ ພື້ນທີ່ໃກ້ຄຽງ ໄດ້ປິດການເຮັດວຽກຢ່າງໜ້ອຍ 1 ວັນ ໃນວັນທີ 2 ກັນຍານີ້, ສ່ວນສະໜາມບິນສາກົນ ນິນອຍ ອາກີໂນ ຍົກເລີກຖ້ຽວບິນພາຍໃນປະເທດແລ້ວ 29 ຖ້ຽວບິນ.