ຖ້າກາວກາຊ້າງຕິດມື ເອົາອອກແນວໃດບໍ່ໃຫ້ເຈັບມື

     ຖ້າເຮົາພາດເຮັດໃຫ້ກາວກາຊ້າງຕິດມືເຮັດໃຫ້ມືຕິດກັນ ເຮົາມີວິທີເອົານິ້ວມືອອກຈາກກັນ ແລະ ທໍາຄວາມສະອາດເອົາກາວອອກຈາກມື ແລະ ຜິວໜັງທີ່ງ່າຍດາຍມາຝາກ.

     ກາວກາຊ້າງ ເປັນເລື່ອງປົກກະຕິເວລາທີ່ນໍາໃຊ້ແລ້ວຈະຕິດມືຂອງເຮົາ ໂດຍສະເພາະບໍລິເວນປາຍນິ້ວມື ເຊິ່ງເປັນເລື່ອງຍາກທີ່ຈະເອົາອອກໄປຈາກນິ້ວມືຂອງເຮົາ.

     ກາວກາຊ້າງ ຄືກາວຊະນິດແຫ້ງໄວທີ່ມາພ້ອມປະສິດທິພາບການຢຶດເກາະທີ່ແຂງແຮງທົນທານ, ໃຊ້ໄດ້ນໍາພື້ນຜິວເກືອບທຸກຊະນິດ, ທົນຕໍ່ສະພາບອາກາດ ແລະ ຄວາມຊຸ່ມ.

      ກາວກາຊ້າງຈະແຂງຕົວໄວ ການທີ່ຈະເອົາອອກຈາກນິ້ວມື ໂດຍສະເພາະຖ້າເຮົາພາດຈົນນິ້ວມືຂອງຕົນເອງຕິດກັນ ຍິ່ງດຶງອອກແຮງເທົ່າໃດກໍຍິ່ງເຈັບ ແລະ ມີໂອກາດຈະເຮັດໃຫ້ຜິວໜັງຂອງເຮົາລອກຈົນບາດເຈັບໄດ້.

      ບໍລິສັດ Cemedine ຜູ້ຜະລິດກາວທີ່ມີຊື່ສຽງຂອງຍີ່ປຸ່ນ ໄດ້ໃຫ້ຄໍາແນະນໍາໃນການເອົາກາວກາຊ້າງອອກຈາກນິ້ວມືຂອງເຮົາທີ່ຕິດກັນຜ່ານແອກເຄົາ X ຂອງພວກເຂົາ.

     “ຖ້າຜິວໜັງຕິດກັນຈາກກາວກາຊ້າງ ສາມາດເອົາອອກໄດ້ດ້ວຍການແຊ່ໃນນໍ້າຮ້ອນອຸ່ນຫະພູມປະມານ 40 ອົງສາ ພາຍຫລັງແຊ່ແລ້ວໃຫ້ຖູກາວອອກງ່າຍພຽງເທົ່ານີ້”

     ນອກຈາກນີ້, ຖ້າປາຍນິ້ວມືຂອງເຮົາຍັງໜຽວຈາກກາວ ແນະນໍາໃຫ້ໃຊ້ນໍ້າອຸ່ນ, ສະບູ ແລະ ແປງລ້າງມືໃນການລ້າງມັນອອກໄປ.

ທີ່ມາ: grape Japan, X : @cemedinecoltd