ລາວ ໄປບໍ່ເຖິງຝັນເສຍໃຫ້ ມາເກົາ 0-1 ບານເຕະ U-19 ຊີງແຊ໊ມອາຊີຮອບຄັດເລືອກ

ທີມຊາດລາວ ຮຸ່ນອາຍຸ ບໍ່ເກີນ 19 ປີ ລົງສະໜາມນັດ ທີ 2 ເສຍໃຫ້ກັບ ມາເກົາ 0-1 ໃນການແຂ່ງຂັນບານເຕະຊີງແຊ໊ມອາຊີ 2018 ຮຸ່ນອາຍຸບໍ່ ເກີນ 19 ຮອບຄັດເລືອກ ເມື່ອ ວັນທີ 6 ພະຈິກ ຜ່ານມາ ສົ່ງ ຜົນໃຫ້ໝົດສິດໄປຫລິ້ນຮອບຕໍ່ໄປທັນທີ.
ການແຂ່ງຂັນບານເຕະ ຊາຍຊີງແຊ໊ມອາຊີ 2018 ຮຸ່ນ ອາຍຸບໍ່ເກີນ 19 ປີ ຮອບຄັດ ເລືອກ ກຸ່ມໆ H ທີມຊາດລາວ ລົງສະໜາມນັດທີ 2 ພັບກັບ ມາເກົາ ປາກົດວ່າ: ເຄິ່ງເວລາ ທໍາອິດ ທີມຊາດລາວ ສູ້ໄດ້ສູສີ ຈົບເຄິ່ງເວລາທໍາອິດສະເໝີກັບ 0-0 ແຕ່ເລີ່ມເກມເຄິ່ງເວລາທີ 2 ບໍ່ຮອດ 10 ນາທີ ມາເກົາ ມາໄດ້ປະຕູຂຶ້ນນໍາ ຈາກການ ຍິງຂອງ SOU SA IURY RoGERIO ນາທີ 54, ກ່ອນ ຈົບການແຂ່ງຂັນ ມາເກົາ ເອົາ ຊະນະໄປ 1-0.
ຈາກຜົນດັ່ງກ່າວ ສົ່ງຜົນ ໃຫ້ທີມຊາດລາວລົງສະໜາມ 2 ນັດບໍ່ມີຈັກຄະແນນຕົກຮອບ ເປັນທີ່ແນ່ນອນແລ້ວ, ສ່ວນ ມາເກົາ ເກັບ 3 ຄະແນນທໍາ ອິດ ຈາກ 2 ນັດ ໂດຍມີຄະ ແນນເທົ່າກັບອັນດັບ 2 ຂອງ ກຸ່ມຢ່າງເຈົ້າພາບ ໄຕ້ຫວັນ. ຂະນະທີ່ ຫວຽດນາມ ລົງ 2 ນັດຊະນະລວດມີ 6 ຄະແນນ ຢຶດທີມນໍາກຸ່ມ H ກັບໂອກາດ ເຂົ້າຮອບສຸດໃສ.
ເນື່ອງຈາກລາຍການນີ້ ຈະຄັດເອົາອັນດັບ 1 ຂອງແຕ່ ລະກຸ່ມໃນຈຳນວນ 10 ທີມ ແລະ ທີມອັນດັບ 2 ທີ່ດີທີ່ສຸດ ອີກ 5 ທີມ ລວມທັງເຈົ້າພາບ ອິນໂດເນເຊຍ ໄປຫລິ້ນຮອບ ສຸດທ້າຍໃນປີໜ້າ. ນອກຈາກ ນັ້ນ, ການເສຍນັດນີ້ເຮັດໃຫ້ ທີມຊາດລາວ U-19 ສ້າງສະ ຖິຕິບໍ່ຊະນະທີມໃດເລີຍ ນັບຕັ້ງ ແຕ່ທ້າຍປີ 2016 ຈົນເຖິງປັດ ຈຸບັນ.
ສໍາລັບ ທີມຊາດລາວ ຢູ່ ກຸ່ມ H ໄດ້ຈັດຂຶ້ນຢູ່ທີ່ ໄຕ້ຫວັນ ໄດ້ຮັບກຽດເປັນເຈົ້າພາບ ໃນ ລະຫວ່າງວັນທີ 4-8 ພະຈິກ 2017 ໂດຍມີ 4 ທີມ ປະກອບ ມີ : ໄຕ້ຫວັນ ( ເຈົ້າພາບ ), ຫວຽດນາມ, ລາວ ແລະ ມາເກົາ.
ໂດຍນັດສຸດທ້າຍທີມຊາດລາວ ຈະລົງສະໜາມພົບກັບ ຫວຽດນາມ ໃນວັນທີ 08 ພະຈິກ 2017 ເວລາ 13:00 ໂມງ ແຂ່ງຂັນຢູ່ທີ່ສະຫນາມ HSINCHU COUNTRY SECOND STADIUM , HSINCHU.