ຫວຽດນາມ-ຈີນ ລົງນາມຂໍ້ຕົກລົງຮ່ວມມືດ້ານການຄ້າ-ການລົງທຶນ 14 ສະບັບ ສ້າງລາງລົດໄຟຂ້າມຊາຍແດນ ແລະ ການຊື້-ຂາຍ ຊີ້ນແຂ້
ສຳນັກຂ່າວຕ່າງປະເທດລາຍງານວ່າ: ວັນທີ 19 ສິງຫາ 2024 ທ່ານ ໂຕ ເລີມ ປະທານປະເທດ ຫວຽດນາມ ໄດ້ພົບປະກັບ ທ່ານ ສີຈິ້ນຜິງ ປະທານປະເທດ ຈີນ ທີ່ນະຄອນຫລວງປັກກິ່ງ ເພື່ອຮ່ວມລົງນາມໃນຂໍ້ຕົກລົງ 14 ສະບັບ ກ່ຽວກັບການຄ້າ ແລະ ການລົງທຶນ ໃນການສ້າງລາງລົດໄຟຂ້າມຊາຍແດນ ລວມເຖິງການຊີ້ – ຂາຍ ຊີ້ນແຂ້.
ທັງສອງຝ່າຍໄດ້ຮ່ວມລົງນາມໃນເອກະສານການລົງທຶນຫລາຍສະບັບ ນັບຕັ້ງແຕ່ ຈີນ ກັບ ຫວຽດນາມ ໄດ້ການລົງນາມໃນເບື້ອງຕົ້ນໃນໄລຍະທີ່ ທ່ານ ສີຈິ້ນຜິງ ປະທານປະເທດຈີນ ໄດ້ໄປຢ້ຽມຢາມນະຄອນ ຫລວງຮ່າໂນ້ຍ ໃນເດືອນທັນວາປີຜ່ານມາ ພາຍໃຕ້ຂໍ້ຕົກລົງດັ່ງກ່າວ ຈະມີໂຄງການກໍ່ສ້າງທາງລົດໄຟ 3 ຕອນທີ່ເຊື່ອມຕໍ່ລະຫວ່າງເມືອງ ລາວກາຍ ຂອງຫວຽດນາມ ແລະ ນະຄອນ ຫາຍຟົງ ແລະ ເສີນເຈີ້ນ ໃນປະເທດຈີນ.
ທັງນີ້, ຄາດວ່າທາງລົດໄຟຫວຽດນາມຈະຊ່ວຍເພີ່ມປະລິມານການຂົນສົ່ງ ແລະ ການລົງທຶນລະຫວ່າງສອງປະເທດໄດ້ຫລາຍຂຶ້ນ ເນື່ອງຈາກວ່າ ມີບໍລິສັດຈີນຈຳນວນຫລາຍໄດ້ຍ້າຍຖານການຜະລິດທີ່ມີຕົ້ນທຶນການຜະລິດຕ່ຳໄປສູ່ຫວຽດນາມ , ພ້ອມນີ້ ທັງສອງປະເທດຍັງໄດ້ລົງນາມໃນສັນຍາກ່ຽວກັບການເງິນ, ສາທາລະນະສຸກ, ສື່ມວນຊົນ ແລະ ການຄ້າຜະລິດຕະພັນກະເສດເຊັ່ນ: ໝາກພ້າວ, ໝາກພ້າວ ແລະ ຊີ້ນແຂ້.
