ຮອງປະທານປະເທດ ເດີນທາງເຂົ້າຮ່ວມກອງປະຊຸມແມ່ຍິງສາກົນ ທີ່ປະເທດມົງໂກລີ ວັນທີ 19-26 ສິງຫາ 2024
August 21, 2024 - 11:26 AM
ວັນທີ 19 ສິງຫາ 2024, ທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ຮອງປະທານປະເທດ ແຫ່ງ ສປປ ລາວ ພ້ອມຄະນະ ໄດ້ເດີນທາງໄປເຂົ້າຮ່ວມກອງປະຊຸມແມ່ຍິງສາກົນ ທີ່ປະເທດມົງໂກລີ ແຕ່ວັນທີ 19-26 ສິງຫາ 2024.
ເປັນກຽດຕາງໜ້າຄະນະຝ່າຍລາວອອກສົ່ງ ທ່ານຮອງປະທານປະເທດຄັ້ງນີ້ ໂດຍມີ ທ່ານ ບຽມບາຊູເຣນ ຈຳສ໌ຣັງ (Byambasuren JAMSRAN) ເອກອັກຄະລັດຖະທູດ ແຫ່ງມົງໂກລີ ປະຈຳ ສປປ ລາວ, ທ່ານ ອິນທະປັນຍາ ຂຽວວົງພະຈັນ ຮອງຫົວໜ້າຫ້ອງວ່າການສຳນັກງານປະທານປະເທດ, ແລະ ຄະນະກົມກ່ຽວຂ້ອງຂອງ ຫ້ອງວ່າການສຳນັກງານປະທານປະເທດ ເຂົ້າຮ່ວມ.
