ແຕ່ງຕັ້ງ ພັທ ພອນປະເສີດ ວັນນະບຸດ ເປັນຫົວໜ້າຄະນະຄຸ້ມຄອງດ່ານສາກົນສະໜາມບິນປາກເຊ ຄົນໃໝ່
ວັນທີ 14 ສິງຫາ 2024, ກອງບັນຊາການ ປກສ ແຂວງຈຳປາສັກ ໄດ້ປະກາດແຕ່ງຕັ້ງຄະນະຄຸ້ມຄອງດ່ານສາກົນສະໜາມບິນປາກເຊ ຄົນໃໝ່ ລະຫວ່າງ ພັທ ສົມພອນ ສີຫາວົງ ຫົວໜ້າຄະນະຄຸ້ມຄອງດ່ານສາກົນສະໜາມບິນປາກເຊຜູ້ເກົ່າ ແລະ ທ່ານ ພັທ ພອນປະເສີດ ວັນນະບຸດ ຫົວໜ້າຄະນະຄຸ້ມຄອງດ່ານສາກົນສະໜາມບິນປາກເຊ ຜູ້ໃໝ່, ເປັນປະທານຂອງ ພົຈວ ສຸກພະຈັນ ສີລາເພັດ ຫົວໜ້າກອງບັນຊາການ ປກສ ແຂວງຈຳປາສັກ.
ຕາມຂໍ້ຕົກຂອງລັດຖະມົນຕີກະຊວງ ປກສ ວ່າດ້ວຍການແຕ່ງຕັ້ງນາຍຕຳຫລວດທີ່ຂຶ້ນກັບກອງບັນຊາການ ປກສ ແຂວງຈຳປາສັກ. ໃນນັ້ນ, ຕົກລົງແຕ່ງຕັ້ງ ພັທ ພອນປະເສີດ ວັນນະບຸດ ເປັນຫົວໜ້າຄະນະຄຸ້ມຄອງດ່ານສາກົນສະໜາມບິນປາກເຊ ຄົນໃໝ່ ພ້ອມທັງມີຂໍ້ຕົກລົງຂອງກອງບັນຊາການ ປກສ ແຂວງຈຳປາສັກ ວ່າດ້ວຍການແຕ່ງຕັ້ງຮອງຫົວໜ້າດ່ານ ຕມ, ຫົວໜ້າ, ຮອງໜ່ວຍງານ ຕມ ສາກົນ 3 ດ່ານ ທີ່ຂຶ້ນກັບຫ້ອງສັນຕິບານ ໃນນັ້ນ, ໄດ້ຕົກລົງແຕ່ງຕັ້ງ ພັຕ ໂສພາ ຫົງສີ ເປັນຮອງຫົວໜ້າດ່ານ ຕມ ສະໜາມບິນສາກົນປາກເຊ, ພັຕ ອັດສະວິນ ຫານທະນູຮັກ ເປັນຮອງຫົວໜ້າດ່ານ ຕມ ສາກົນໜອງນົກຂຽນ, ພັຕ ນາງ ມະໄລກອນ ຫລ້າຄຳຟອງ ເປັນຮອງຫົວໜ້າດ່ານ ຕມ ສາກົນວັງເຕົ່າ.
