ອາທິດ​ຜ່ານ​ມາ ມີ​ຜູ້​ເສຍ​ຊີວິດ 5 ຄົນ​ຈາກ​ອຸປະຕິ​ເຫດ 

​   ​ພະ​ແນ​ກຕຳຫລວດ​ຈະລາຈອນ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ອາທິດ​ຜ່ານ​ມາ, ຄືນັບແຕ່ວັນທີ 28 ຕຸລາ ຫາ ວັນທີ 3 ພະຈິກນີ້ ມີ​ອຸປະຕິ​ເຫດ​ເກີດ​ຂຶ້ນກວ່າ 20 ກໍລະນີ, ມີ​ຜູ້​ເສຍ​ຊີວິດ 5 ຄົນ, ​ສ່ວນໃຫຍ່ແມ່ນ​ຍ້ອນ​ ​ດື່ມ​ສິ່ງ​ມຶນ​ເມົາ, ຂັບ ​ລົດ​ໄວ ເກີນຂອບເຂດ.

ທ່ານ ຫົວໜ້າພະ​ແນ​ກຈະລາຈອນ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ເພື່ອ​ຄວາມ​ເປັນ​ລະບຽບຮຽບຮ້ອຍ​​ໃນ​ການ​ສັນຈອນໃນໄລຍະງານ​ບຸນນະມັດສະການພະທາດຫລວງ​ທີ່ຫາກໍສິນສຸດລົງນັ້ນ ​ໄດ້​ໃຊ້​ກຳລັງ​ເຈົ້າໜ້າທີ່ຫລາຍ​ກວ່າ 300 ຄົນ ລົງປະຕິບັດງານຢູ່ຕາມ​ເສັ້ນທາງ ຕ່າງໆໃນນະຄອນຫລວງວຽງຈັນ, ອັນໄດ້ຊ່ວຍໃຫ້​ອຸປະຕິ​ເຫດ​ຫລຸດຜ່ອນລົງເມື່ອທຽບກັບຜ່ານມາ.