ຍິງສາວ 26 ປີ ດື່ມຊານົມໄຂ່ມຸກແທນນໍ້າທຸກມື້ ຈົນເຕົ້ານົມອັກເສບ ແລະ ເປັນໜອງ!

ສໍານັກຂ່າວຈີນລາຍງານວ່າ ດຣ. ເຄີ ຊິວໂຢ ແພດຈີນ ໄດ້ບອກເລົ່າເລື່ອງລາວຂອງຄົນເຈັບກໍລະນີໜຶ່ງ ເຊິ່ງລາວມີບັນຫາສຸຂະພາບກ່ຽວກັບ “ພະຍາດຕຸ້ຍ” ໂດຍຄົນເຈັບລາຍນີ້ ມີອາຍຸ 26 ປີ ມີຄວາມສູງ 160 Cm ແລະ ໜັກ 120kg,

ເຊິ່ງຄົນເຈັບໄດ້ມາໂຮງໝໍດ້ວຍອາການໄຂ້ທີ່ສູງເຖິງ 39 ອົງສາ
ນອກຈາກນັ້ນຍັງມີອາການເຈັບໜ້າເອິກພ້ອມ

.
ຫລັງຈາກທີ່ຄົນເຈັບດັ່ງກ່າວໄດ້ເປີດເສື້ອເພື່ອໃຫ້ທ່ານໝໍກວດ
ກໍພົບວ່າບໍລິເວນຂອບລຸ່ມຂອງເຕົ້ານົມມີຮອຍແດງ ແລະ ເປັນບາດແຜເນົ່າເປື່ອຍ
ເນື່ອງຈາກນໍ້າໜັກເກີນ ແລະ ເກີດການສຽດສີ

.
ດຣ. ເຄີ ຊິ່ວໂຢ ເປີດເຜີຍອີກວ່າ ທີ່ໜ້າເອິກຂອງຄົນເຈັບກໍລະນີນີ້ ຍັງມີສີເຫລືອງຂຽວໄຫລອອກມາຈາກຂອບລຸ່ມຂອງເຕົ້ານົມດ້ານຂວາອີກດ້ວຍ
ແລະ ມີກິ່ນເໝັນຂ້ອນຂ້າງຮຸນແຮງ ເຊິ່ງຜົນກວດສາມາດສະຫລຸບໄດ້ວ່າ
ຄົນເຈັບມີອາການຕິດເຊື້ອ ເຊິ່ງຄົນເຈັບເລົ່າວ່າ
ລາວມີອາການສຽດສີບ່ອນໜ້າເອິກມາໄລຍະໜຶ່ງແລ້ວ ແລະ
ຫາກໍມີອາການຕິດເຊື້ອເມື່ອບໍ່ດົນມານີ້

.
ນອກຈາກນີ້ຄົນເຈັບຍັງໄດ້ເລົ່າໃຫ້ໝໍຮູ້ເຖິງພຶດຕິກໍາຂອງຕົນເອງອີກວ່າ ລາວບໍ່ໄດ້ເປັນຄົນທີ່ກິນອາຫານຫລາຍ
ແຕ່ລາວບໍ່ມັກດື່ມນໍ້າຕັ້ງແຕ່ນ້ອຍແລ້ວ ແຕ່ຈະດື່ມຊານົມໄຂ່ມຸກແທນການດື່ມນໍ້າ ມື້ລະ 6
ຈອກ!

#ຊານົມ #ໜ້າເອິກ #ຂ່າວສາລະໜ້າຮູ້ລາວພັດທະນາ