ຫວຽດນາມປະກາດພົບພະຍາດຄໍຕີບລະບາດທາງພາກກາງຂອງປະເທດ
ແຂວງທັນຮວ້າ ທາງພາກກາງຂອງຫວຽດນາມ ກາຍເປັນພື້ນທີ່ທໍາອິດໃນປະເທດ ທີ່ປະກາດການລະບາດຂອງພະຍາດຄໍຕີບໃນປີນີ້ ພາຍຫລັງກວດພົບຄົນເຈັບແລ້ວ 3 ຄົນ ອາໄສຢູ່ບ້ານມວງລາດ.
ວັນທີ 13 ສິງຫາ, ສໍານັກຂ່າວຊິນຮົວລາຍງານວ່າ: ປັດຈຸບັນມີການລະບຸຕົວບຸກຄົນທີ່ມີປະຫວັດສໍາຜັດໃກ້ຊິດກັບກຸ່ມຄົນເຈັບທັງ 3 ຄົນແລ້ວ ລວມຢ່າງໜ້ອຍ 34 ຄົນ ເຊິ່ງທັງໝົດອາໄສຢູ່ໃນບໍລິເວນເຂດດຽວກັນ.
ເຈົ້າໜ້າທີ່ສາທາລະນະສຸກທ້ອງຖິ່ນໃຫ້ຄໍາເຫັນກ່ຽວກັບສະຖານະການທີ່ເກີດຂຶ້ນວ່າ: ຄວາມສ່ຽງຕໍ່ການຕິດເຊື້ອຍັງສູງ ແລະ ບັນດາອົງການທີ່ກ່ຽວຂ້ອງກໍາລັງຈັດຕັ້ງປະຕິບັດມາດຕະການປ້ອງກັນສຸກເສີນເຊັ່ນ: ການກັກກັກ ແລະ ສີດຢາຂ້າເຊື້ອໃນບໍລິເວນທີ່ພະຍາດລະບາດ.
ກໍລະນີທໍາອິດຂອງພະຍາດຄໍຕີບໄດ້ຖືກລາຍງານຢູ່ແຂວງທັນຮ້ວາ ມີລາຍງານຄົນເຈັບພະຍາດຄໍຕີບຄົນທໍາອິດໃນວັນທີ 5 ສິງຫາ 2024 ເຊິ່ງເປັນເພດຍິງອາຍຸ 17 ປີ ແລະ ຕໍ່ມາພຽງ 3 ມື້ ໄດ້ພົບເຫັນເດັກຊາຍອາຍຸ 10 ປີ ແລະ ແມ່ຍິງອາຍຸ 74 ປີ ເຊິ່ງເປັນພີ່ນ້ອງຂອງແມ່ຍິງຖືພາຄົນດັ່ງກ່າວ ໄດ້ຕິດເຊື້ອໄປນໍາ ແລະ ປັດຈຸບັນຄົນເຈັບທັງໝົດແມ່ນຢູູ່ພາຍໃຕ້ການເບິ່ງແຍງຢ່າງໃກ້ຊິດຂອງແພດໝໍ.
