ງານວາງສະແດງຮູບພາບ, ສື່ສິ່ງພິມລາວ-ຫວຽດນາມໄດ້ຮັບຄວາມສົນໃຈຈາກມວນຊົນຢ່າງຫລວງຫລາຍ

ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ລາວຮ່ວມ ກັບກະຊວງ ຖະແຫຼງຂ່າວ ແລະ ການສື່ສານ ສສ.ຫວຽດນາມ, ໄດ້ຈັດງານ ວາງສະແດງຮູບພາບ, ປຶ້ມ, ໜັງ ສືພິມ ແລະ ວາລະສານລາວ- ຫວຽດນາມ, ຫວຽດນາມ-ລາວ 2017 ຂຶ້ນເມື່ອທ້າຍອາທິດຜ່ານ ມານີ້, ທີ່ຫໍວັດທະນະທຳແຫ່ງ ຊາດນະຄອນຫລວງວຽງຈັນ, ໂດຍການເຂົ້າຮ່ວມ ຂອງ ທ່ານ ກິແກ້ວ ໄຂຄຳພິທູນ ຫົວໜ້າ ຄະ ນະໂຄສະນາອົບຮົມສູນກາງ ພັກ, ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫລງ ຂ່າວ, ວັດທະນະທໍາ ແລະ ທ່ອງ ທ່ຽວ, ທ່ານ ເຈີນ ມິງ ຕ່ວນ ລັດ ຖະມົນຕີກະຊວງຖະແຫຼງຂ່າວ ແລະ ການສື່ສານຫວຽດນາມ, ມີ ທູຕານຸທູດ ແລະ ມວນຊົນຊາວ ນະຄອນຫລວງວຽງຈັນເຂົ້າ ຮ່ວມຈໍານວນຫລາຍ.

+ ເປີດງານວາງສະແດງມູນເຊື້ອສາຍພົວພັນມິດຕະພາບ ລາວ-ຫວຽດນາມ

+ ວາງສະແດງໜ້າກາກສາກົນອິມາໂກທີ່ວຽງຈັນ

ງານວາງສະແດງດັ່ງ ກ່າວ, ຈັດຂຶ້ນທ່າມກາງບັນຍາ ກາດທີ່ ປະຊາຊົນສອງຊາດ ລາວ- ຫວຽດນາມພວມເບີກ ບານ ມ່ວນຊື່ນສະເຫຼີມສະຫຼອງ ສອງວັນປະຫວັດສາດຄື: ວັນ ຄົບຮອບ 55 ປີແຫ່ງ ການສ້າງ ຕັ້ງສາຍພົວພັນການທູດ ແລະ ວັນຄົບຮອບ 40 ປີ ການຂອງ ເຊັນສົນທິສັນຍາມິດຕະພາບ ແລະ ການຮ່ວມມືຮອບດ້ານລະ ຫວ່າງ ລາວ-ຫວຽດນາມ, ທັງ ເປັນໄລຍະເວລາທີ່ປະຊາຊົນ ລາວບັນດາເຜົ່າພວມສະເຫຼີມ ສະຫຼອງບຸນນະມັດສະການພະ ທາດຫຼວງວຽງຈັນພ້ອມກັບການ ເປີດປີທ່ອງທ່ຽວລາວ 2018 ແລະ ບັນດາຮູບພາບ, ປຶ້ມ, ໜັງ ສືພິມ ແລະ ວາລະສານ ທີ່ນໍາມາ ວາງສະແດງຄັ້ງນີ້, ມີຫລາຍຮ້ອຍ ສະບັບ, ຫລາຍຮ້ອຍເຫລັ້ມທີ່ ສະແດງໃຫ້ເຫັນ ຄວາມກ້າວໜ້າ ດ້ານວຽກງານສື່ສິ່ງພິມຂອງ ຫວຽດນາມ ແລະ ລາວ, ພ້ອມທັງ ສ່ອງແສງໃຫ້ເຫັນເຖິງຮີດຄອງ ປະເພນີ, ວັດທະນະທຳອັນດີງາມ ແລະ ຄວາມສາມັກຄີຮັກແພງ ຊ່ວຍເຫລືອເຊິ່ງກັນ ແລະ ກັນ ຂອງປະຊາຊົນສອງຊາດລາວ-ຫວຽດນາມນັບແຕ່ອະດິດຈົນ ມາຮອດປັດຈຸບັນ.