ເຮືອບິນໂດຍສານເບຣຊິນຕົກກາງຊຸມຊົນ ມີຜູ້ເສຍຊີວິດ 62 ຄົນ
ເຮືອບິນໂດຍຂະໜາດນ້ອຍຂອງສາຍການບິນຢູ່ເບຣຊິນ ຕົກກາງຊຸມຊົນ ເມືອງວິນເຮໂດ ລັດເຊົາເປົາໂລ ຜູ້ໂດຍສານ ແລະ ຈຸບິນ 62 ຄົນ ເສຍຊີວິດທັງໝົດ, ແຕ່ບໍ່ມີຄົນຢູ່ພື້ນດິນໄດ້ຮັບບາດເຈັບ ຫລື ເສຍຊີວິດ.
ເພຈ World Forum ຂ່າວສານຕ່າງປະເທດ ລາຍງານວ່າ: ໄດ້ເກີດເຫດເຮືອບິນຕົກຢູ່ວິນເຮໂດ ເຊົາເປົາໂລ ຂອງເບຣຊິນ ໂດຍເປັນເຮືອບິນແບບ ATR 72-500 (ທະບຽນ PS-VPB) ຈາກບໍລິສັດ VoePass.
ເຮືອບິນອອກເດີນທາງຈາກສະໜາມບິນ ແຄສຄາເວວ ຖ້ຽວບິນ 2Z-2283 ເວລາ 11:58 ໂມງ ແລະ ຈະມາຮອດສະໜາມບິນປາຍທາງ ກົວຣູລໂຢ ເຊົາເປົາໂລ ເວລາ 13:50 ໂມງ ເຮືອບິນປະສົບອຸປະຕິເຫດຕົກ ອີກບໍ່ເທົ່າໃດນາທີກ່ອນຮອດສະໜາມບິນປາຍທາງ.
ຈາກລາຍງານ ເຮືອບິນຕົກຈາກລະດັບຄວາມສູງ 17,000 ຟຸດ (5 ກມ) ໃນເວລາບໍ່ຮອດສອງນາທີ ຂະນະທີ່ເຮືອບິນກໍາລັງຫລຸດລະດັບຄວາມສູງລົງ ບໍ່ຮອດສອງນາທີຕໍ່ມາ ເວລາ 13:22 ໂມງ ເຮືອບິນໄດ້ຫາຍໄປຈາກຈໍເຣດາ.
ໂດຍເຮືອບິນຕົກໃສ່ອາຄານເຂດຄາເປົາ ໃນເມືອງວິນເຮໂດ ເສຍຫາຍ ຜູ້ໂດຍສານ 58 ຄົນ, ຈຸບິນ 4 ຄົນ ລວມທັງໝົດ 62 ຄົນ ຍັງບໍ່ມີລາຍງານຜູ້ລອດຊີວິດ.
