ສານ ຫວຽດນາມ ຕັດສິນຈຳຄຸກ ທ່ານ ຈິງວັນ ກວຽດ ປະທານ FLC 21 ປີ ຂໍ້ຫາສໍ້ໂກງຜູ້ຖືຮຸ້ນ
ວັນທີ 7 ສິງຫາ 2024, ໜັງສືພິມ ຟາບລັວດ (ກົດໝາຍ) ຂອງຫວຽດນາມ ລາຍງານວ່າ: ຫວຽດນາມໄດ້ດຳເນີນຄະດີຕັດສິນຈຳຄຸກ ທ່ານ ຈິງວັນ ກວຽດ 21 ປີ, ປະທານ ເຈົ້າຂອງສາຍການບິນ ແບບປະຫຍັດ ແລະ ທຸລະກິດອະສັງຫາລິມາຊັບຂະໜາດໃຫຍ່ ລວມທັງ ໂຮງແຮມ ຣີສອດ ແລະ ສະໜາມກອັຟ ຫື FLC ພ້ອມພັກພວກອີກ 50 ຄົນ ໃນຂໍ້ຫາສໍ້ໂກງຮຸ້ນ.
ໜັງສືພິມດັ່ງກ່າວ ຍັງໃຫ້ຮູ້ອີກວ່າ: ຜູ້ທີ່ຖືກເສຍຫາຍຈະໄດ້ຮັບຊົດໄຊ້ຄືນຮຸ້ນລະ 7,215 ດົງ ໃນຮຸ້ນທັງໝົດຂອງ ROS. ສ່ວນຜູ້ທີ່ມີສ່ວນກ່ຽວຂ້ອງຈະໄດ້ຮັບຮຸ້ນລະ 5,466 ດົງ ແລະ ສະເພາະ 5 ລະຫັດ ເຊັ່ນ: AMD, HAI, GAB, FLC, ART ບໍ່ມີບ່ອນອີງທີ່ຈະໄດ້ຮັບການຊົດໄຊ້ຄືນ.
ເພື່ອຮັບປະກັນຄວາມຍຸຕິທຳ ແລະ ຄວາມສະເໝີພາບ ສານຕັດສິນໃຫ້ ທ່ານ ຈິງວັນ ກວຽດ ແລະ ພັກພວກຊົດໄຊ້ຄືນໃຫ້ບັນດານັກລົງທຶນຈຳນວນເງິນທີ່ພວກເຂົາໄດ້ສໍ້ໂກງໄປດ້ວຍມູນຄ່າເພີ່ມຂອງແຕ່ລະຫຸ້ນທີ່ໄດ້ແບ່ງປັນໄປ ຊື່ງທຽບເທົ່າກັບປະລິມານຫຸ້ນຂອງຜູ້ຖືກເສຍຫາຍຖືຄອງຢູ່.
ຕາມຄຳຟ້ອງຂອງສານກ່າວວ່າ: ທ່ານ ຈິງວັນ ກວຽດ ໄດ້ສໍ້ໂກງ ມູນຄ່າຂອງບໍລິສັດຮັບເໝົາຂອງກຸ່ມບໍລິສັດ SLC ໂດຍລາຍງານທຶນທີ່ບໍ່ຖືກກັບຄວາມເປັນຈິງກ່ອນຈະນຳເຂົ້າໄປຈົດທະບຽນທີ່ຕະຫລາດຫລັກຊັບຂອງວຽດນາມ ໃນປີ 2018 ຫລື 6 ປີຜ່ານມາ, ສານປະຊາຊົນ ນະຄອນຫລວງ ຮາໂນຍ ພິພາກສາຈຳຄຸກ ທ່ານ ຈິງວັນ ກວຽດ ເປັນເວລາ 21 ປີ ໃນຄວາມຜິດ ຖານສໍ້ໂກງຜູ້ຖືຮຸ້ນ ມູນຄ່າເກືອບ 150 ລ້ານໂດລາ ຄະດີນີ້ເກີດຂື້ນໃນໄລຍະລັດຖະບານຫວຽດນາມພວມມີການປາບປາມການ ສໍ້ລາດບັງຫລວງຢ່າງໜັກ.
