ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ

August 5, 2024 - 11:38 AM
ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ - 111 3 - ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ
ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ - kitchen vibe - ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ

      ຫລາຍປະເທດອອກປະກາດເຕືອນໃຫ້ພົນລະເມືອງຂອງຕົນເລັ່ງເດີນທາງອອກຈາກລີບັງໂດຍດ່ວນ ເນື່ອງຈາກກັງວົນວ່າສົງຄາມຢູ່ຕາເວັນອອກກາງອາດຂະຫຍາຍວົງກວ້າງກວ່າເກົ່າ.

     ສໍານັກຂ່າວ BBC ແລະ AFP ລາຍງານວ່າ: ອາເມລິກາເຕືອນໃຫ້ປະຊາຊົນເດີນທາງອອກຈາກລີບັງ “ດ້ວຍປີ້ເດີນທາງໃດກໍໄດ້ທີ່ມີໃຫ້ບໍລິການໃນປັດຈຸບັນນີ້”, ສ່ວນອັງກິດລະບຸວ່າ: ໃຫ້ພົນລະເມືອງເດີນທາງອອກຈາກລີບັງ “ທັນທີ”. ຂະນະທີ່ສະວີເດັນ, ຝຣັ່ງ, ການາດາ ແລະ ຈໍແດນ ໄດ້ອອກຄໍາເຕືອນໃນລັກສະນະດຽວກັນ.

ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ - Visit Laos Visit SALANA BOUTIQUE HOTEL - ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ

      ຄວາມກັງວົນດັ່ງກ່າວມີຂຶ້ນພາຍຫລັງທ່ານ ອິສມາອິລ ຮານິເຢ ຜູ້ນໍາຝ່າຍການເມືອງຂອງຮາມັດ ຖືກບຸກສັງຫານລະຫວ່າງອາໄສຢູ່ໃນນະຄອນຫລວງເຕຫະຣານຂອງອີຣານ ໃນວັນທີ 31 ກໍລະກົດ ເຊິ່ງວັນທີ 3 ສິງຫາ, ກອງກໍາລັງພິທັກການປະຕິວັດອີຣານເປີດເຜີຍວ່າ: ອິດສະລາແອນສັງຫານທ່ານ ຮານິເຢ “ດ້ວຍວັດຖຸທີ່ມີໄລຍະການເຮັດວຽກໃນໄລຍະໃກ້” ເຊິ່ງຍິງຈາກນອກທີ່ພັກຂອງທ່ານໃນນະຄອນຫລວງເຕຫະຣານ.

     ຂໍ້ມູນດັ່ງກ່າວຂັດແຂ່ງກັບລາຍງານທີ່ອອກມາໄລຍະກ່ອນໜ້ານີ້ທີ່ລະບຸວ່າ: ທ່ານ ຮານິເຢ ຖືກສັງຫານດ້ວຍລະເບີດທີ່ວາງໄວ້ຫລາຍເດືອນກ່ອນໜ້ານີ້. ຂະນະທີ່ອີຣານປະກາດວ່າ: ຈະຕອບໂຕ້ອິດສະລາແອນຢ່າງຮຸນແຮງ.

     ເຫດການດັ່ງກ່າວສົ່ງຜົນເຮັດໃຫ້ເກີດຄວາມກັງວົນວ່າ: ກຸ່ມແຮັດໂບລາຢູ່ລີບັງ ເຊິ່ງມີອີຣານໝຸນຫລັງຢູ່ນັ້ນອາດດໍາເນີນການຕອບໂຕ້ ແລະ ຖ້າເປັນແບບນີ້ແທ້ຈະເຮັດໃຫ້ອິດສະລາແອນຕອບໂຕ້ຢ່າງຮຸນແຮງເຊັ່ນກັນ ໂດຍຫລ້າສຸດເວລາ 00:25 ໂມງ ວັນທີ 4 ສິງຫາ ຕາມເວລາທ້ອງຖິ່ນ ກຸ່ມແຮັດໂບລາຍິງຈະຫລວດຈໍານວນຫລາຍເຂົ້າໃສ່ເມືອງເບດ ຮິວເລວ (Beit Hillel) ທາງຕອນເໜືອຂອງອິດສະລາແອນ, ແຕ່ຖືກລະບົບປ້ອງກັນໄພທາງອາກາດ Iron Dome ສະກັດເອົາໄວ້ໄດ້ ໂດຍບໍ່ມີລາຍງານຜູ້ບາດເຈັບ ຫລື ເສຍຊີວິດ. ຂະນະທີ່ກອງທັບອາກາດອິດສະລາແອນຕອບໂຕ້ກັບດ້ວຍການໂຈມຕີພື້ນທີ່ທາງຕອນໃຕ້ຂອງລີບັງ.

     ນອກຈາກນີ້ຍັງມີເຫດການວຸ້ນວາຍເກີດຂຶ້ນຕໍ່ເນື່ອງ ໂດຍເຊົ້າວັນທີ 4 ສິງຫາ ເກີດເຫດການໄລ່ແທງປະຊາຊົນຢູ່ເມືອງໂຮລອນ ໃກ້ກັບນະຄອນຫລວງເທວອາວີບຂອງອິດສະລາແອນ ສົ່ງຜົນເຮັດໃຫ້ມີຜູ້ເສຍຊີວິດ 2 ຄົນ ກ່ອນຄົນຮ້າຍຈະຖືກຕໍາຫລວດຍິງວິສາມັນ.

     ສະຖານທູດອາເມລິກາອອກຄໍາເຕືອນວັນທີ 3 ສິງຫາວ່າ: ສໍາລັບພົນລະເມືອງທີ່ເລືອກອາໄສຢູ່ໃນລີບັງຕໍ່ຄວນກຽມແຜນສຸກເສີນໄວ້ ແລະ ຕ້ອງກຽມພ້ອມຈະ “ອາໄສຢູ່ໃນສະຖານທີ່ເປັນໄລຍະເວລາດົນ” ໂດຍປັດຈຸບັນມີຫລາຍສາຍການບິນຢຸດ ຫລື ຍົກເລີກໃຫ້ບໍລິການຖ້ຽວບິນ, ສ່ວນຖ້ຽວບິນທີ່ເຫລືອຢູ່ຫລາຍຖ້ຽວປີ້ໝົດແລ້ວ, ແຕ່ຍັງມີການເດີນທາງຮູບແບບອື່ນໆທີ່ສາມາດພາປະຊາຊົນອອກຈາກລີບັງໄດ້.

     ກະຊວງປ້ອງກັນປະເທດອາເມລິກາລາຍງານວ່າ: ທາງການໄດ້ສົ່ງເຮືອ ແລະ ເຮືອບິນຮົບໄປພາກພື້ນດັ່ງກ່າວເພີ່ມແລ້ວ ເພື່ອຊ່ວຍປົກປ້ອງອິດສະລາແອນ ຖ້າມີການໂຈມຕີຈາກອີຣານ ລວມທັງກຸ່ມຕົວແທນຕ່າງໆ.

ອ້າງອີງ:

ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ - 3 - ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ
ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ - 5 - ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ
ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ - 4 - ຫລາຍປະເທດເຕືອນພົນລະເຮືອນເລັ່ງອອກຈາກລີບັງ ຢ້ານສົງຄາມຕາເວັນອອກກາງຂະຫຍາຍວົງກວ້າງອີກ

Your Might Also Like