ດ່ວນ! ເກີດເຫດເຮືອບິນຕົກໃສ່ເຮືອນປະຊາຊົນ ຢູ່ຈັງຫວັດສະໝຸດສາຄອນ ເສຍຊີວິດ 1 ຄົນ

ສໍານັກຂ່າວສົດຂອງໄທ ລາຍງານວ່າ: ເວລາ 10:50 ໂມງ ວັນທີ 3 ສິງຫາ 2024 ນີ້, ເກີດເຫດເຮືອບິນນ້ອຍຕົກໃສ່ເຮືອນປະຊາຊົນ ເຂດພັນທ້າຍ ນະຣະສິງ ບໍລິເວນ ຕໍາບົນໂຄກຂາມ ອໍາເພີ ເມືອງ ຈັງຫວັດສະໝຸດສາຄອນ ປະເທດໄທ ເຮັດໃຫ້ໄຟລຸກໄໝ້ອາຄານ ແລະ ມີຜູ້ເສຍຊີວິດ 1 ຄົນ ເປັນນັກບິນຂອງເຮືອນບິນລໍາດັ່ງກ່າວ.

ປັດຈຸບັນເຈົ້າໜ້າທີ່ພວມເລັ່ງຄວບຄຸມສະຖານະການ ໂດຍການສີດນໍ້າດັບໄຟທີ່ກໍາລັງລຸກໄໝ້ບໍລິເວນນັ້ນ. ສ່ວນສາເຫດການເກີດອຸປະຕິເຫດຄັ້ງນີ້ຢູ່ໃນຂັ້ນຕອນການກວດສອບຂໍ້ມູນຂອງເຈົ້າໜ້າທີ່.