ວິທະຍາໄລຄູ ປາກເຊ ເປີດຮັບສະໝັກນັກສຶກສາ ເຂົ້າຮຽນສາຂາວິຊາຕ່າງໆ

ວັນທີ 29 ກໍລະກົດ ຜ່ານມານີ້, ຜູ້ອໍານວຍການວິທະຍາໄລຄູປາກເຊ ແຂວງຈຳປາສັກ ໄດ້ອອກແຈ້ງປະກາດມາຍັງນັກຮຽນທີ່ຮຽນຈົບມັດທະຍົມຕອນປາຍ (ມ7) ຫລື ທຽບ ເທົ່າຊາບວ່າ: ວິທະຍາໄລຄູປາກເຊ ເປີດຮັບສະໝັກເອົານັກສຶກສາ ເພື່ອເຂົ້າຮຽນໃນສາຂາວິຊາຕ່າງໆ ຄື:

1. ສາຂາຄູການສຶກສາກ່ອນໄວຮຽນ ມີລະບົບ 12+2 ອະນຸປະລິນຍາ (ຮຽນ 2 ປີ) ແລະ ລະບົບ 12+4 ປະລິນຍາຕີ (ຮຽນ 4 ປີ);
2. ສາຂາຄູປະຖົມ ລະບົບ 12+2 ອະນຸປະລິນຍາ (ຮຽນ 2 ປີ) ແລະ ລະບົບ12+4 ປະລິນຍາຕີ (ຮຽນ 4 ປີ);
3. ສາຂາຄູມັດທະຍົມ ລະບົບ 12+4 ປະລິນຍາຕີ (ຮຽນ 4 ປີ) ມີ 6 ສາຂາ ຄື: ຄູເຄມີສາດ, ຄູຟີຊິກສາດ, ຄູພາສາອັງກິດ, ຄູພາສາຝຣັ່ງ, ຄູ ICT ແລະ ຄູພູມສາດ

ສຳລັບຜູ້ທີ່ສົນໃຈສາມາດຕິດຕໍ່ພົວພັນປະກອບຄໍາຮ້ອງ ແລະ ສະໝັກດ້ວຍຕົນເອງໄດ້ທີ່ ພະແນກວິຊາການ ວິທະຍາໄລຄູປາກເຊ ເລີ່ມແຕ່ ວັນທີ 1 ສິງຫາ 2024 ເປັນຕົ້ນໄປ ຫລື ດາວໂຫລດແບບ ແລະ ໝັກອອນໄລ ໄດ້ທີ່ www.pakse-ttc.edu.la