ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ

July 31, 2024 - 2:20 PM
ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ - Lebanon 2407310227 - ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ
ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ - kitchen vibe - ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ

      ກອງທັບອິດສະລາແອນອ້າງວ່າ: ໄດ້ສົ່ງເຮືອບິນຂັບໄລ່ປະຕິບັດການສັງຫານທ່ານ ຟຸອາດ ຊູໂກ (Fuad Shukr) ຜູ້ບັນຊາການລະດັບສູງສຸດຂອງກຸ່ມແຮັດໂບລາ ໃນການໂຈມຕີທາງອາກາດຢູ່ນະຄອນຫລວງເບຣຸດຂອງລີບັງ ວັນທີ 30 ກໍລະກົດ ໂດຍຊີ້ວ່າເປັນການໂຈມຕີເພື່ອຕອບໂຕ້ເຫດຍິງຈະຫລວດຂ້າມຊາຍແດນໄປບ່ອນຮາບສູງໂກລັນ ໃນວັນທີ 27 ກໍລະກົດຜ່ານມາ ເຊິ່ງສົ່ງຜົນເຮັດໃຫ້ມີເດັກນ້ອຍ ແລະ ໄວລຸ້ນເສຍຊີວິດ 12 ຄົນ ແລະ ກ່າວຫາທ່ານ ຊຸໂກ ວ່າເປັນຜູ້ຮັບຜິດຊອບການໂຈມຕີດັ່ງກ່າວ.

      ສໍານັກຂ່າວ Reuters ລາຍງານຄໍາບອກເລົ່າຈາກພະຍານທີ່ເຫັນເຫດການ ລະບຸວ່າ: ເກີດສຽງລະເບີດດັ່ງສະໜັ່ນ ແລະ ຄວັນລອຍອອກມາໃນພື້ນທີ່ຊານເມືອງທາງໃຕ້ຂອງນະຄອນຫລວງເບຣຸດ ເຊິ່ງເປັນຖານທີ່ໝັ້ນຂອງກຸ່ມແຮັດໂບລາ ໄລຍະເວລາປະມານ 19:40 ໂມງ ວັນທີ 30 ກໍລະກົດ ຕາມເວລາທ້ອງຖິ່ນ.

ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ - Visit Laos Visit SALANA BOUTIQUE HOTEL - ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ

     ຂະນະທີ່ສະຖານີໂທລະພາບ Al-Manar TV ຂອງລີບັງອ້າງຂໍ້ມູນຈາກກະຊວງສາທາລະນະສຸກຂອງລີບັງວ່າ: ເຫດການໂຈມຕີເກີດຂຶ້ນຢູ່ບໍລິເວນສະພາຊູຣາ ເຊິ່ງເປັນໜ່ວຍງານທີ່ມີອໍານາດຕັດສິນໃຈຂອງກຸ່ມແຮັດໂບລາ ສົ່ງຜົນເຮັດໃຫ້ເດັກນ້ອຍ 2 ຄົນ ແລະ ຜູ້ຍິງ 1 ຄົນ ເສຍຊີວິດ ແລະ ມີຜູ້ໄດ້ຮັບບາດເຈັບ 74 ຄົນ.

     ສ່ວນນາຍົກລັດຖະມົນຕີ ນາຈິບ ມິຄາຕິ (Najib Mikati) ຂອງລີບັງ ປະນາມການໂຈມຕີທີ່ເກີດຂຶ້ນວ່າເປັນການຮຸກຮານລີບັງຢ່າງໂຈ່ງແຈ້ງຂອງອິດສະລາແອນ ແລະ ເປັນການກໍ່ອາດຊະຍາກໍາໃນປະຕິບັດການສັງຫານພົນລະເຮືອນ ເຊິ່ງລະເມີດກົດໝາຍສາກົນຢ່າງຊັດເຈນ.

      ເຊັ່ນດຽວກັບອີຣານ, ອີຣັກ ລວມທັງກຸ່ມຮາມັດ ແລະ ກຸ່ມກະບົດຮູຕິຢູ່ເຢເມນ ຕ່າງອອກມາປະນາມການໂຈມຕີຂອງອິດສະລາແອນ.

      ທ່ານ ເຈນີນ ເຮນນິສ-ພລາສເຊິດ (Jeanine Hennis-Plasschaert) ຜູ້ປະສານງານພິເສດສະຫະປະຊາຊາດປະຈໍາລີບັງ ກ່າວວ່າ: UN ສະແດງຄວາມກັງວົນຕໍ່ການໂຈມຕີທີ່ເກີດຂຶ້ນ.

    ຂະນະທີ່ທ່ານ ໂຢອາບ ກັລແລນ ລັດຖະມົນຕີກະຊວງປ້ອງກັນປະເທດອິດສະລາແອນ ໂພສຂໍ້ຄວາມທາງໂຊຊຽວມີເດຍພາຍຫລັງການໂຈມຕີ ລະບຸວ່າ: ກຸ່ມແຮັດໂບລາລໍ້າເສັ້ນ ແລະ ຢືນຢັນວ່າ: ການໂຈມຕີທີ່ເກີດຂຶ້ນໄດ້ສັງຫານທ່ານ ຊຸໂກ ເຊິ່ງທ່ານກ່າວຫາວ່າເປັນຜູ້ທີ່ມື້ເປື້ນເລືອດຊາວອິດສະລາແອນຈໍານວນຫລາຍ.

     ທັງນີ້, ໂຄສົກກອງທັບອິດສະລາແອນຢືນຢັນວ່າ: ອິດສະລາແອນບໍ່ຕ້ອງການສົງຄາມ, ແຕ່ມີການກຽມຄວາມພ້ອມຢ່າງເຕັມທີ່ສໍາລັບສົງຄາມ.

ອ້າງອີງ:

ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ - 3 - ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ
ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ - 5 - ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ
ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ - 4 - ອິດສະລາແອນອ້າງວ່າ ສັງຫານຜູ້ບັນຊາການສູງສຸດຂອງກຸ່ມແຮັດໂບລາ ລີບັງຊີ້ ເດັກ-ຜູ້ຍິງ 3 ຄົນ ເສຍຊີວິດຈາກການໂຈມຕີ

Your Might Also Like