ກະເປົາຫລູ ຍີ່ຫໍ້ ແອເມສ 11 ໜ່ວຍ ຂອງເຈົ້າຍິງແຫ່ງກາຕ້າ ຖືດລັກໄປໃນຂະນະໂດຍສານລົດໄຟປະເທດຝຣັ່ງ

ສຳນັກຂ່າວຕ່າງປະເທດລາຍງານວ່າ: ວັນທີ 27 ກໍລະກົດ 2024 ກະເປົາຫລູ ຍີ່ຫໍ້ ແອເມສ (Hermes) ຈຳນວນ 11 ໜ່ວຍ ຂອງ ອານ ມະຍັດຊະ ບີນ ຮາໝັດ ອານ ທານີ ເຈົ້າຍິງແຫ່ງກາຕ້າ ຖືກລັກໄປ ໃນເວລເດີນທາງດ້ວຍລົດໄຟຄວາມໄວສູງ TGV ທີ່ສະຖານີເມືອງຄານສ ເມືອງນິດສ໌ ໄປຍັງສະຖານ ລີຍົງ ນະຄອນຫຼວງປາຣີ

ເມື່ອຮອດເວລາປະມານ 12:00-13:00 ໂມງ, ເຈົ້າຍິງສັງເກດວ່າ ກະເປົາ 11 ໜ່ວຍຫາຍໄປ ເຊິ່ງພາຍໃນກະເປົາຍັງມີເຄື່ອງໃຊ້ສ່ວນຕົວທີ່ມີຄ່າ ເຊັ່ນ: ເຄື່ອງປະດັບ ແລະ ໂມງລາຄາແພງອີກຈຳນວນໜຶ່ງ, ຕໍ່ມາລົດໄຟໄດ້ຈອດຢູ່ສະຖານີ ຕູລົງ ປະມານ 20 ນາທີ ເພື່ອດຳເນີນການຄົ້ນຫາ ແຕ່ກໍບໍ່ພົບກະເປົາທັງ 11 ໜ່ວຍ ຫຼື ຄົນຮ້າຍທີ່ກໍ່ເຫດ.

ທາງດ້ານ SNCF ຫຼື ບໍລິສັດການລົດໄຟແຫ່ງຊາດຝຣັ່ງບໍ່ຕ້ອງການສະແດງຄວາມຄິດເຫັນກ່ຽວກັບເລື່ອງນີ້ ແລະ ປະຕິເສດຕົວເລກກ່ຽວກັບສະຖິຕິການລັກຊັບສິນຢູ່ລົດໄຟ ພ້ອມທັງກ່າວຕື່ມວ່າ ຈະບໍ່ຮັບຜິດຊອບໃນກໍລະນີທີ່ຊັບສິນສູນຫາຍ ຫຼື ຖືກລັກ ເປັນຄວາມຮັບຜິດຊອບຂອງຜູ້ໂດຍສານຝ່າຍດຽວໃນການເບິ່ງແຍງຊັບສິນຂອງຕົນ.

ຂໍ້ມູນ: Le Parisien