ສານສູງແອັສປາຍອອກໝາຍຮຽກ ອະດີດຜູ້ນຳກາຕາລູນາ
ສານໄຮຄໍຂອງແອັສປາຍຕ້ອງການໃຫ້ທ່ານ ຄາຣ ປຸຍເດິມອງ ອະດີດປະທານາທິບໍດີກາຕາລູນາ ພ້ອມພັກພວກອີກ 13 ຄົນ ເຂົ້າລາຍງານຕົວພາຍໃນ 48 ຊົ່ວໂມງ ແລະ ຮຽກຄ່າເສຍຫາຍເບື້ອງຕົ້ນ 6,2 ລ້ານເອີໂຣ.
Carles Puigdemont says he is not seeking asylum in Brussels but is there for safety pic.twitter.com/Zw5SLGVt7X
— Sky News (@SkyNews) October 31, 2017
ສຳນັກຂ່າວຕ່າງປະເທດລາຍງານຈາກນະຄອນຫລວງມາດຣິດ ປະເທດແອັສປາຍ ໃນວັນທີ 31 ຕຸລາວ່າ: ສານໄຮຄໍຂອງແອັສປາຍອອກໝາຍຮຽກໃຫ້ທ່ານ ຄາຣ ປຸຍເດິມອງ ອະດີດປະທານາທິບໍດີກາຕາລູນາ ພ້ອມອະດີດເຈົ້າໜ້າທີ່ໃນຄະນະລັດຖະບານອີກ 13 ຄົນ ເຂົ້າລາຍງານຕົວຢູ່ສຳນັກງານຂອງສານໃນນະຄອນຫລວງມາດຣິດ ຕາມການນັດໝາຍໃນວັນທີ 2-3 ພະຈິກນີ້. ຂະນະດຽວກັນ ສານກຳນົດໄລຍະເວລາ 72 ຊົ່ວໂມງໃຫ້ທັງ 14 ຄົນ ໃນການຮ່ວມກັນວາງມັດຈຳ “ຄ່າເສຍຫາຍ” ທີ່ອາດເກີດຂຶ້ນໃນເບື້ອງຕົ້ນ ເປັນຈຳນວນ 6,2 ລ້ານເອີໂຣ.
ຄຳສັ່ງດັ່ງກ່າວຂອງສານສູງມີຂຶ້ນພຽງ 1 ວັນ ຫລັງສຳນັກງານໄອຍະການສູງສຸດປະກາດສັ່ງຟ້ອງທ່ານ ປຸຍເດິມອງ ຖານເປັນກະບົດ, ປຸກລະດົມທາງການເມືອງເພື່ອສ້າງຄວາມແຕກແຍກ ແລະ ການໃຊ້ອຳນາດລັດໃນທາງບໍ່ຖືກຕ້ອງ ຈາກຄວາມພະຍາຍາມເຄື່ອນໄຫວຝ່າຍດຽວເພື່ອແບ່ງແຍກດິນແດນ ໂດຍການຈັດລົງປະຊາມະຕິໃນວັນທີ 1 ຕຸລາຜ່ານມາ ທັງທີ່ສານລັດຖະທຳມະນູນປະກາດວ່າກິດຈະກຳການເມືອງຄັ້ງນີ້ເປັນໂມຄະ.
