ລະວັງ 5 ຄວາມສ່ຽງຈາກການກິນປາດິບ

1. ແມ່ພະຍາດ ຫລື ແມ່ທ້ອງ : ຫລາຍໆຄົນມັກຈະເວົ້າວ່າ ປາທະເລບໍ່ມີພະຍາດ ກໍຕ້ອງບອກເລີຍວ່າເຂົ້າໃຈຜິດຢ່າງຮ້າຍແຮງ ເມື່ອບໍ່ດົນມານີ້ການເອັກສະເຣພົບພະຍາດເຕັມຮ່າງກາຍຂອງຊາຍຜູ້ໜຶ່ງທີ່ມັກກິນປາດິບເປັນຊີວິດຈິດໃຈ ກໍຍິ່ງເນັ້ນໃຫ້ຮູ້ວ່າແມ່ພະຍາດໃນປາທະເລມີແທ້ໆ ແລະ ຖ້າຫາກມີພະຍາດໃນໂຕຫລາຍໆກໍອາດສ່ຽງຕໍ່ການເກີດພະຍາດມະເຮັງ ລວມທັງຄວາມສ່ຽງໃນການເປັນໄສ້ຕິ່ງອັກເສບນຳອີກ.
2. ອາຫານເປັນພິດ ຫລື ຖອກທ້ອງ : ບໍ່ແມ່ນທຸກບ່ອນທີ່ຈະນຳເຂົ້າປາດິບມາຈາກປະເທດຍີ່ປຸ່ນ ຫລື ຕ່າງປະເທດ ແລະ ບໍ່ແມ່ນທຸກບ່ອນທີ່ຈະມີຂະບວນການເຮັດປາດິບທີ່ໄດ້ມາດຕະຖານ ໂດຍສະເພາະການເກັບຮັກສາປາດິບ ຖ້າຫາກເຮັດບໍ່ດີກໍຍ່ອມຕ້ອງມີເຊື້ອພະຍາດຕ່າງໆປົນເປື້ອນມາຢ່າງແນ່ນອນ ຍິ່ງຖ້າປົນເປື້ອນຫລາຍກໍໍອາດເຮັດໃຫ້ຜູ້ບໍລິໂພກເຖິງຂັ້ນມີອາການອາຫານເປັນພິດ ແລະ ຖອກທ້ອງຮຸນແຮງຈົນຕ້ອງເຂົ້າໂຮງໝໍໄດ້.
3. ອາການຂາດວິຕາມິນ : ອາດຈະງົງວ່າເປັນຫຍັງການກິນປາດິບຈຶ່ງຂາດວິຕາມິນ ກໍຍ້ອນວ່າໃນປາດິບນັ້ນມີເອັນໄຊຊະນິດ ໜຶ່ງທີ່ຊື່ ໄທອະມິເນສ ທີ່ຈະຂັດຂວາງການດູດຊຶມ ແລະ ການເຮັດວຽກຂອງວິຕາມິນເບ 1 ເຖິງວ່າເຮົາຈະກິນວິຕາມິນເບ 1 ເສີມເຂົ້າໄປ ແຕ່ຖ້າເອັນໄຊໂຕນີ້ຫລາຍກ່ວາ ກໍຈະຖືກຍ່ອຍສະຫລາຍໄປຈົນໝົດ.
4. ບັນຫາຄໍເລສເຕີໂຣນ : ເຖິງວ່າໃນປາຫລາຍໆຊະນິດຈະມີຄໍເລສເຕີໂຣນທີ່ເປັນໄຂມັນດີຫລາຍກ່ວາໄຂມັນບໍ່ດີ, ແຕ່ບາງຄົນກໍຍັງມັກກິນໄຂ່ປາ ຫລື ພາກສ່ວນຕ່າງໆຂອງປາປະກອບນຳ ເຊິ່ງທັງ 2 ຢ່າງນີ້ມີຄໍເລສເຕີໂຣນອ່າວສູງ ແລະ ເປັນໄຂມັນບໍ່ດີ ຈຶ່ງອາດສົ່ງຜົນໃຫ້ເກີດການອັດຕັນຂອງໄຂມັນໃນຫລອດເລືອດ ເຊິ່ງເປັນອັນຕະລາຍຕໍ່ຮ່າງກາຍຫລາຍ.
5. ຄວາມສ່ຽງຕໍ່ການເປັນພະຍາດປະດົງຂໍ້ : ລົງທ້າຍດ້ວຍພະຍາດປະດົງຂໍ້ ຫລື ພະຍາດກົດຢູຣິກມີຄ່າສູງທີ່ຈະເຮັດໃຫ້ເກີດອາການບວມຕາມຂໍ້ຕ່າງໆຂອງຮ່າງກາຍ ໂດຍສະເພາະບໍລິເວນຫົວເຂົ່າ ແລະ ຂໍ້ຕີນ ທຳມະດາປາກໍມີຄ່າຢູຣິິກສູງຢູ່ແລ້ວ ຍິ່ງຖ້າເອົາມາກິນຄູ່ກັບນຳ້ໂຊຢຸ ກໍຍິ່ງທະວີຄູນຄ່າຢູຣິກຫລາຍຂຶ້ນ ຈຶ່ງອາດເຮັດໃຫ້ເກີດອາການຮຸນແຮງຂອງພະຍາດໄດ້ ແມ່ນແຕ່ກັບຄົນທີ່ຍັງບໍ່ເຄີຍເປັນກໍຕາມ.

ເຖິງວ່າປາດິບຈະມີລົດຊາດຫວານແຊບ ແລະ ເປັນອາຫານທີ່ຫລາຍຄົນມັກ ແຕ່ກໍຄວນເລືອກກິນຮ້ານທີ່ມີຄວາມສະອາດ ແລະ ມີມາດຕະຖານແທ້ໆ ແລະ ຄວນເລືອກແບບທີ່ປຸງແຕ່ງສຸກແລ້ວຈະດີກ່ວາ ເພື່ອຈະໄດ້ບໍ່ຕ້ອງມາກັງວົນກັບຄວາມສ່ຽງຕ່າງໆທີ່ເຮົາ ກ່າວມາທັງ 5 ນີ້.