BBC ກຽມເລີກຈ້າງພະນັກງານ 500 ຄົນ ເນັ້ນສູ່ເປົ້າໝາຍເປັນສື່ດິຈິຕອນ
ສື່ເກົ່າແກ່ຂອງອັງກິດ ກຽມປົດບຸກຄະລາກອນເພີ່ມອີກປະມານ 500 ອັດຕາ ຕາມແນວທາງແຜນຍຸດທະສາດມຸ່ງສູ່ເສັ້ນທາງດິຈິຕອນຢ່າງເຕັມຮູບແບບ.
ວັນທີ 24 ກໍລະກົດ, ສໍານັກຂ່າວຕ່າງປະເທດລາຍງານວ່າ: ບໍລິສັດແຜ່ພາບກະຈາຍສຽງອັງກິດ ຫລື BBC ອອກຖະແຫລງການກ່ຽວກັບການກຽມເລີກຈ້າງບຸກຄະລາກອນປະມານ 500 ອັດຕາ ພາຍໃນເດືອນມີນາ 2027 ເພື່ອປະຢັດງົບປະມານໃຫ້ໄດ້ປະມານ 200 ລ້ານປອນ.
ທັງນີ້, ການຫລຸດຕໍາແໜ່ງວຽກໃນອົງກອນເພື່ອໃຫ້ເປັນໄປຕາມແຜນການ ແລະ ສອດຄ່ອງກັບເປົ້າໝາຍດັ່ງກ່າວ ເຊິ່ງລວມທັງການປິດບາງພະແນກ ແລະ ການສ້າງສັນບາງພະແນກທີ່ມີທ່າອ່ຽງຂອງການເຕີບໃຫຍ່ ໂດຍຍັງບໍ່ມີການຂະຫຍາຍຄວາມ.
ເຖິງຢ່າງໃດກໍຕາມ, BBC ລະບຸໃນຖະແຫລງການສະບັບນີ້ອີກວ່າ: ເພື່ອກະຕຸ້ນການຂັບເຄື່ອນອົງກອນໄປສູ່ເປົ້າໝາຍຂອງການເປັນສື່ດິຈິຕອນ ເຊິ່ງຈະສາມາດເຂົ້າເຖິງຜູ້ຊົມໄດ້ໃນທຸກພື້ນທີ່.
BBC ເກັບຄ່າທໍານຽມແຕ່ລະປີ 169.50 ປອນ ຈາກທຸກຄອບຄົວໃນອັງກິດ ເຊິ່ງຕ້ອງການຮັບຊົມສັນຍານ, ເລີກຈ້າງພະນັກງານໄປແລ້ວເກືອບ 2,000 ອັດຕາ ພາຍໃນໄລຍະເວລາ 5 ປີຫລ້າສຸດ ຄິດເປັນ 10% ຂອງບຸກຄະລາກອນທັງໝົດໃນອົງກອນ.
