ເກີດແຜ່ນດິນໄຫວ ຢູ່ປະເທດຊີລີ ແຮງສັ່ນສະເທືອນ 7,4 ຣິກເຕີ
July 19, 2024 - 5:19 PM
ສຳນັກຂ່າວຕ່າງປະເທດ AFP ລາຍງານໃນວັນທີ 19 ກໍລະກົດ 2024 ນີ້ວ່າ: ອົງການສຳຫລວດທໍລະນີວິທະຍາຂອງອາເມລິກາ (USGS) ກ່າວວ່າໄດ້ເກີດແຜ່ນດິນໄຫວແຮງສັ່ນສະເທືອນ 7,4 ຣິກເຕີ, ມີຈຸດສູນກາງຫ່າງຈາກເມືອງ ອັນໂຕຟາກັສຕາ (Antofagasta) ເມືອງທ່າເຮືອແຫ່ງໜຶ່ງຢູ່ທາງພາກເໜືອຂອງປະເທດຊີລີ ປະມານ 265 ກິໂລແມັດ ແລະ ຢູ່ເລິກລົງໄປ 126 ກິໂລແມັດ.
ເບື້ອງຕົ້ນບໍ່ມີການເຕືອນໄພຄື້ນສຶນາມິ ແລະ ຍັງບໍ່ທັນມີລາຍງານກ່ຽວກັບການເສຍຊີວິດ ຫລື ຄວາມເສຍຫາຍຮ້າຍແຮງ.
