ປະກາດແຕ່ງຕັ້ງ ທ່ານ ບຸນເຫລືອ ສິນໄຊວໍຣະວົງ ເປັນຮອງເລຂາພັກແຂວງ, ຮອງເຈົ້າແຂວງຫລວງພະບາງ
July 18, 2024 - 4:07 PM
ວັນທີ 18 ກໍລະກົດ 2024 ນີ້, ທີ່ສະໂມສອນໃຫ່ຍຫ້ອງວ່າການແຂວງຫລວງພະບາງ ໄດ້ຈັດພິທີ ປະກາດ ແຕ່ງຕັ້ງ ທ່ານ ບຸນເຫລືອ ສິນໄຊວໍຣະວົງ ອະດີດເລຂາຄະນະບໍລິຫານງານພັກ, ອະດີດຜູ້ວ່າການ ທະນາຄານ ແຫ່ງ ສປປ ລາວ ເປັນ ຮອງເລຂາບໍລິຫານງານພັກແຂວງ ຮອງເຈົ້າແຂວງໆຫລວງພະບາງ.
ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ຄໍາພັນ ພົມມະທັດ ກຳມະການກົມການເມືອງສູນກາງພັກ, ເລຂາທິການສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ, ຫົວໜ້າອົງການຕ້ານການສໍ້ຫລາດບັງຫລວງຂັ້ນສູນກາງ, ມີທ່ານ ຄໍາຂັນ ຈັນທະວີສຸກ ກຳມະການສູນກາງພັກ ເລຂາບໍລິຫານງານພັກແຂວງ ເຈົ້າແຂວງຫລວງພະບາງ ພ້ອມດ້ວຍບັນດາການນຳແຂວງຫລວພະບາງເຂົ້າຮ່ວມ.
