10 ຂໍ້ດີຂອງການຄົບຫາກັບແມ່ຍິງທີ່ເພິ່ງຕົນເອງໄດ້

ນາງຈະໃຫ້ແຮງບັນດານໃຈດີໆແກ່ທ່ານ : ພວກນາງເຫລົ່ານັ້ນພ້ອມຈະສູ້ທຸກບັນຫາທີ່ພວກນາງພົບ, ນາງກໍເປັນມະນຸດ ຄົນໜຶ່ງທີ່ມີຄວາມຢ້ານ, ແຕ່ສິ່ງທີ່ຢ້ານຫລາຍທີ່ສຸດກໍແມ່ນການຢ້ານທີ່ຈະບໍ່ໄດ້ໃຊ້ຄວາມສາມາດທີ່ຕົນມີຢ່າງເຕັມທີ່ໃນທຸກໆເລື່ອງ ແລະ ນີ້ກໍແມ່ນສິ່ງໜຶ່ງທີ່ທ່ານຈະໄດ້ຮັບຈາກພວກນາງ.

2. ນາງບໍ່ເຊື່ອວ່າຄົບກັນແລ້ວຕ້ອງເຮັດໂຕຕິດກັນຢູ່ຕະຫລອດ : ຫາກທ່ານຢາກໄດ້ຄົນທີ່ຈະຢູ່ກັບທ່ານຕະຫລອດ, ໄປໃສມາໃສນຳກັນຕະຫລອດ ທ່ານອາດຈະຫາບໍ່ໄດ້ໃນແມ່ຍິງເຫລົ່ານີ້, ນາງຮັກທ່ານ ແລະ ເຫັນທ່ານເປັນສ່ວນໜຶ່ງໃນຊີວິດ, ແຕ່ບໍ່ແມ່ນທັງໝົດຂອງຊີວິດ.
3. ນາງບໍ່ຂໍຄວາມຊ່ວຍເຫລືອງ່າຍໆ : ຄົນແບບນີ້ຈະເບິ່ງວ່າການຂໍຄວາມຊ່ວຍເຫລືອແມ່ນການສະແດງເຖິງຄວາມອ່ອນແອ, ນາງຈະບໍ່ຂໍຄວາມຊ່ວຍເຫລືອ ແລະ ທ່ານກໍຕ້ອງເຄົາລົບໃນສິ່ງໆນັ້ນ. ທ່ານສາມາດສະເໜີຄວາມຊ່ວຍເຫລືອໄດ້, ແຕ່ຖ້ານາງບອກວ່າບໍ່ ກໍຄືບໍ່.
4. ນາງຕ້ອງການຄົນທີ່ເຂັ້ມແຂງມາຢູ້ຄຽງຂ້າງ : ນາງຕ້ອງການຄົນທີ່ເຂົ້າໃຈ ແລະ ໃຫ້ໄລຍະຫ່າງທີ່ພໍດີພໍງາມກັບນາງ. ສະນັ້ນ ກໍຕ້ອງເປັນຜູ້ຊາຍທີ່ມີຊີວິດເປັນຂອງໂຕເອງ ແລະ ເພິ່ງຕົນເອງໄດ້ເຊັ່ນກັນຈຶ່ງຈະຄົບຫາກັບນາງໄດ້.
5. ນາງມັກໄປທ່ຽວຄົນດຽວ : ການພະຈົນໄພບໍ່ວ່າໃກ້ ຫລື ໄກ ນາງມັກໄປຄົນດຽວ ເພາະມັນແມ່ນອິດສະຫລະທີ່ນາງມັກ ແລະ ການໄປຄົນດຽວມັນເຮັດໃຫ້ນາງໄດ້ປະສົບການກັບມາແບບເຕັມເມັດເຕັມໜ່ວຍ.
6. ນາງມີໝູ່ໜ້ອຍ : ບາງມຸມນາງກໍອາດຈະເບິ່ງເປັນຕາຢ້ານ ເຮັດໃຫ້ນາງມີໝູ່ໜ້ອຍ, ແຕ່ຖ້າໄດ້ເປັນໝູ່ທີ່ສະໜິດກັນແທ້ໆແລ້ວ ນາງຈະສະນິດກັບຄົນນັ້ນຫລາຍ.
7. ນາງບໍ່ເຄີຍຢ້ານການຕ້ອງຢູ່ຄົນດຽວ : ຫາກຄືນວັນສຸກບໍ່ມີໃຜວ່າງໄປກິນເຂົ້າ, ເບິ່ງຮູບເງົານຳ ນາງກໍບໍ່ຫວັ່ນໄຫວ, ນາງສາມາດໄປກິນເຂົ້າສຸດໂຣແມນຕິກກັບໂຕເອງໄດ້ ແລະ ເປັນການດີທີ່ນາງຈະໄດ້ນັ່ງຄິດຫຍັງເພີນໆ ຫລື ຄວາມຄິດດີໆໃນການເຮັດວຽກນຳອີກ.
8. ນາງປະສົບຄວາມສຳເລັດດ້ວຍໂຕຂອງນາງເອງ : ນາງເປັນໂຕຂອງໂຕເອງ ນາງຮູ້ວ່າຄວາມສາມາດຂອງນາງແມ່ນຫຍັງ, ຮູ້ວ່າແມ່ນຫຍັງເປັນເປົ້າໝາຍໃນຊີວິດຂອງນາງ ແລະ ນາງຈະເຮັດມັນໃຫ້ສຳເລັດດ້ວຍໂຕເອງ.
9. ນາງຮັກທີ່ຈະຮັກ : ນາງອາດຈະເບິ່ງເປັນຄົນບໍ່ຫວານກັບໃຜພໍປານໃດ, ແຕ່ນາງເຊື່ອໃນຄວາມຮັກ ແລະ ມີວິທີສະແດງ ຄວາມຮັກໃນຮູບແບບຂອງນາງ ເຊິ່ງມັນມີຄວາມໝາຍຫລາຍ.
10. ນາງຍຶດຖືຄຳແນະນຳຂອງ Shakespeare : ມີຄຳແນະນຳຂອງ Shakespeare ທີ່ວ່າ “To thine own self be true” ແລະ ນາງກໍຍຶດຖືຂຶ້ນໃຈຄື ການບໍ່ຍອມປ່ຽນໂຕຕົນຂອງໂຕເອງເພື່ອໃຜ, ນາງຮູ້ຈັກປະຕິເສດຫາກບໍ່ມີໃຜກອດນາງ ນາງກໍຈະກອດໂຕເອງ ແລະ ຢູ່ລອດໄດ້.