ກາຕາປະກາດກົດໝາຍຄ່າແຮງ ຂັ້ນຕໍ່າເປັນຄັ້ງທຳອິດ
ກາຕາໃຫ້ສັນຍາຈະປະຕິຮູບກົດໝາຍແຮງງານຫລາຍຂໍ້ ລວມທັງການເລີ່ມໃຊ້ຂໍ້ກຳນົດຄ່າແຮງຂັ້ນຕໍ່າ, ພາຍຫລັງຖືກຕ່າງປະເທດວິຈານ ເລື່ອງການກຽມພ້ອມເປັນເຈົ້າພາບການແຂ່ງຂັນບານເຕະເວີດຄັບປີ 2022.
ການປະກາດນີ້ ມີຂຶ້ນ 1 ວັນກ່ອນກອງປະຊຸມອົງການແຮງງານສາກົນ ຫລື ILO ເຊິ່ງເຄີຍເຕືອນກາຕາເລື່ອງການກະທຳທາຮຸນຕໍ່ແຮງງານຕ່າງຊາດ.
ສ່ວນສະຫະພັນສະຫະພາບແຮງງານສາກົນ ຫລື ITUC ອອກມາຕອບຮັບການເຄື່ອນໄຫວນີ້ ໂດຍທ່ານນາງ ຊາຣັນ ເບີໂຣ ເລຂາທິການ ICTU ລະບຸວ່າ: ການປ່ຽນແປງນີ້ ເປັນສັນຍານຂອງການເລີ່ມປະຕິຮູບທີ່ແທ້ຈິງ ແລະ ຈະຊ່ວຍຢຸດການໃຊ້ແຮງງານທາດໃນຍຸກສະໄໝໃໝ່.
ILO ເຊິ່ງເປັນການອົງກອນຂອງ UN ໄດ້ຂີດເສັ້ນຕາຍໃຫ້ກາຕາພິສູດວ່າມີຄວາມຄືບໜ້າໃນດ້ານສິດທິແຮງງານ ເຊິ່ງກອງປະຊຸມຂອງ ILO ຈະມີຂຶ້ນລະຫວ່າງວັນທີ 26 ຕຸລາຫາ 9 ພະຈິກນີ້.
