ບໍລິຄຳໄຊອະນຸຍາດຂຸດຄົ້ນແຮ່ທາດ 10 ບໍລິສັດ ໃນເນື້ອທີ່ 171,739 ເຮັກຕາ

ທ່ານ ມະນີວັນ ໄຊຍະເພັດ ຫົວໜ້າພະແນກພະລັງງານ ແລະ ບໍ່ແຮ່ ແຂວງບໍລິຄຳໄຊ ໄດ້ລາຍງານ ໃນໂອກາດທີ່ທ່ານ ໂພໄຊ ໄຊຍະສອນ ລັດຖະມົນຕີກະຊວງ ພະລັງງານ ແລະ ບໍ່ແຮ່ ລົງເຄື່ອນໄຫວເຮັດວຽກ ແລະ ຢ້ຽມຢາມແຂວງບໍລິຄຳໄຊ ໃນວັນທີ 17 ມິຖຸນາ 2024 ຜ່ານມາວ່າ:

ສຳລັບການຕິດຕາມບັນດາກິດຈະການຊອກຄົ້ນ-ສໍາຫລວດແຮ່ທາດ ຢູ່ພາຍໃນແຂວງ ລວມທັງໝົດ ມີ 10 ບໍລິສັດ ມີເນື້ອທີ່ 171.739 ເຮັກຕາ, ຊອກຄົ້ນ 28 ເຮັກຕາ, ສໍາຫລວດແຮ່ທາດ 143.7 ເຮັກຕາ ໃນນີ້ຂັ້ນສູນກາງອະນຸຍາດ 5 ບໍລິສັດ ເນື້ອທີ່ທັງໝົດ 171.71 ເຮັກຕາ, ຊອກຄົ້ນ 27.98 ເຮັກຕາ, ສໍາຫລວດແຮ່ທາດ 143.72 ເຮັກຕາ, ຂັ້ນແຂວງອະນຸມັດ 5 ບໍລິສັດ ມີເນື້ອທີ່ຊອກຄົ້ນ-ສໍາຫລວດແຮ່ທາດທັງໝົດ 24 ເຮັກຕາ, ຊອກຄົ້ນ 16 ເຮັກຕາ ສໍາຫລວດແຮ່ທາດ 8 ເຮັກຕາ, ປີ 2023 ໄດ້ສົມທົບກັບພາກສ່ວນກ່ຽວຂ້ອງຂອງແຂວງ ປະເມີນການລົງທຶນທາງດ້ານແຮ່ທາດພາຍໃນແຂວງ 45 ໂຄງການ ການຫລອມໂລຫະຄໍາປະສົມ ບໍລິສັດກາວີໂກລາວ ບໍ່ແຮ່ຈຳກັດ ສາມາດຂຸດຄົ້ນແຮ່ນີແກນໄດ້ 22.302 ກວ່າໂຕນ, ຂຸດຄົ້ນແຮ່ເຫລັກໄດ້ 131.299 ໂຕນ, ເກັບຕົວແບບ ແລະ ວິໄຈ ແຮ່ຄໍາໄດ້ 218 ຕົວແບບ, ວິໄຈແຮ່ເຫລັກ 279 ຕົວແບບ, ວິໄຈແຮ່ນີແກນ 536 ຕົວແບບ; ບໍລິສັດ ທ້າຍຊານມິງຈິນມາຍນິງ ຈຳກັດ ໄດ້ຫັນປ່ຽນຈາກການຂຸດຄົ້ນແຮ່ຄໍາເຄົ້າແບບທົດລອງ ມາເປັນຮູບແບບປົກກະຕິແລ້ວ ສາມາດປຸງແຕ່ງແຮ່ເຄິ່ງຜະລິດຕະພັນເປັນຄໍານໍ້າບາ ໄດ້ແຮ່ຄໍາ 9.590 ກວ່າກຣາມ ເປີເຊັນຂອງແຮ່ຄໍາ 40-45% ແລະສາມາດສະກັດເປັນຄໍາໄດ້ 5.667 ກຣາມ, ບໍລິສັດບໍ່ຄຳ-ຄຳເກີດແສນອຸດົມ ສາມາດຂຸດຄົ້ນແຮ່ ຈໍານວນ 638.038 ໂຕນ ໃນນີ້ມີຄ່າສະເລ່ຍຂອງແຮ່ຄຳ 7,88 ກຣາມ/ໂຕນ, ດິນເຟືອຍທັງໝົດ 70.988 ໂຕນ ໃນນັ້ນມີຄ່າສະເລ່ຍຂອງແຮ່ຄຳ 3,29 ກຣາມ/ໂຕນ ການສົ່ງອອກ ແລະ ຈຳໜ່າຍແຮ່ເຫລັກໄດ້ 245.819 ໂຕນ. ບໍລິສັດ ແຮ່ເຫລັກໂກເອໂກ່ຈຳກັດ ສົ່ງອອກດ່ານນ້ຳພາວ 91.502 ໂຕນ, ດ່ານນາເພົ້າ 45.916 ໂຕນ, ສົ່ງໄປນະຄອນຫລວງວຽງຈັນ ໄດ້ 75.650 ໂຕນ ແລະ ບໍລິສັດກາວີໂກ ລາວບໍ່ແຮ່ ຈໍາກັດ ສາມາດສົ່ງອອກແຮ່ເຫລັກໄດ້ 32.750 ໂຕນ ສົ່ງອອກດ່ານນ້ຳພາວ.