ໂລກກຳລັງປະເຊີນກັບຄື່ນຄວາມຮ້ອນອົບເອົ້າ

ຂ່າວຈາກໜັງສືພິມ ເຢິນຈີ ຂອງຫວຽດນາມວັນທີ 21 ມິຖຸນາ 2024 ນີ້ວ່າ: ຂະນະນີ້ ບັນດາຕົວເມືອງຂອງທັງ 4 ທະວີບໃນໂລກ ກຳລັງຖືກແຜດເຜົາດ້ວຍ ຄື່ນຄວາມຮ້ອນ ການປ່ຽນແປງຂອງດິນຟ້າອາກາດອາດຈະເຮັດໃຫ້ລະດູແລ້ງປີນີ້ມີອຸນນະພູມຮ້ອນທີ່ສຸດໃນຮອບ 2.000 ປີ.
ອຸນຫະພູມທີ່ສູງຂຶ້ນໃນສອງສາມວັນທີ່ຜ່ານມານີ້ ອາດເວົ້າໄດ້ວ່າເປັນສາເຫດພາໃຫ້ຫຼາຍຮ້ອຍ ຫຼາຍພັນຄົນເສຍຊີວິດຢູ່ໃນທະວີບອາຊີ ແລະ ຢູໂຣບ.

ຢູ່ທີ່ ອາຣັບບີ ຊາອຸດິດ, ມີຊາວສາດສະໜາຮີນດູ ປະມານ 2 ລ້ານຄົນຈະຕ້ອງໄດ້ຢຸດຕິພິທີສະແຫວງບຸນຢູ່ທີ່ Mecca ໃນອາທິດນີ້. ແຕ່ພ້ອມດຽວກັນນັ້ນກໍໄດ້ມີຜູ້ເສຍຊີວິດນັບເປັນຮ້ອຍໆຄົນແລ້ວຍ້ອນສະພາບ ອາກາດຮ້ອນອົບເອົ້າ ເຖິງ 51 ອົງສາ,ໃນຂະນະທີ່ແຫລ່ງຂ່າວຈາກການແພດ ແລະ ກຳລັງປ້ອງກັນຄວາມສະຫງົບຂອງປະເທດ ອີຢິບ ລາຍງານໃນວັນທີ 20 ມິຖຸນານີ້ໃຫ້ຮູ້ວ່າ: ຢ່າງໜ້ອຍມີ 530 ຄົນເສຍຊິວິດຍ້ອນອາກາດຮ້ອນ ແລະ ອີກ 40 ຄົນຫາຍສາຍສູນ.

ສູນດາວທຽວສັງເກດການໜ່ວຍໂລກຂອງອົງການຊັ້ນບັນຍາກາດ ແລະ ມະຫາສະໝຸດແຫ່ງຊາດຂອງສະຫະລັດ ແລະ ບັນດາປະເທດໃນແຖບ ທະເລ ເມດີເຕຣາເນ ກໍໄດ້ຮັບຄື່ນຄວາມຮ້ອນເຊັ່ນດຽວກັນ ແລະ ໄດ້ເຮັດໃຫ້ເກີດໄຟໄໝ້ລາມປ່າຈາກປະເທດ ປ໊ອກຕູຍການ ຈົນໄປເຖິງປະເທດ ອີຢິບ ແລະ ລຽບລົງໄປຕາມແຄມຊາຍຝັ່ງທະເລທິດເໜືອຂອງທະວີບອາຟຣິກກາທີ່ປະເທດອານເຊຣີ.