ປະທານາທິບໍດີ ປູຕິນ ມອບລົດຫລູ Aurus Senat ກັນກະສູນ ໃຫ້ການນຳ ສປປ ເກົາຫລີ
ວັນທີ 20 ມິຖຸນາ 2024 ນີ້, ໜັງສືພິມ ຕຽນຟ໊ອງ ຂອງຫວຽດນາມລາຍງານວ່າ: ທ່ານ ວາລາດີເມຍ ປູຕິນ ປະທານາທິບໍດີຣັດເຊຍ ໄດ້ມອບລົດຫລູກັນລູກກະສູນຍີ່ ຫໍ້ limousine Aurus Senat ຜະລິດໂດຍປະເທດຣັດເຊຍ ພ້ອມດ້ວຍຊຸດນໍ້າຊາ ແລະ ງ້າວ ໃຫ້ທ່ານ ຄິມ ຈອງອຸນ ຜູ້ນຳສູງສຸດ ສາທາລະນະລັດ ປະຊາຊົນ ປະຊາທິປະໄຕ ເກົາຫລີ (ສປປ ເກົາຫລີ).
ລົດຄັນດັ່ງກ່າວໄດ້ອອກແບບມາດ້ວຍບຸກຂະລິກບູຮານບົນພື້ນຖານຮູບແບບ limousine ZIL ຂອງໂຊວຽດສະໄໝກ່ອນ, ຊຶ່ງ ທ່ານ ປູຕິນ ເຄີຍໃຊ້ມາກ່ອນແລ້ວ ແລະ ໃນລະຫວ່າງເດືອນພຶດສະພາຜ່ານມາ ທ່ານ ປູຕິນ ກໍໄດ້ຂັບລົດອີກຄັນໜຶ່ງຍີ່ຫໍ້ດຽວກັນໄປຮັບໜ້າທີ່ປະທານາທິບໍດີທີ່ວັງແຫລວບິນມາແລ້ວ.
ໃນເວລາ ທີ່ທ່ານ ຄິມ ຈອງອຸນ ຜູ້ນຳ ສປປ ເກົາຫລີ ໄປຢ້ຽມຢາມເຂດຕາເວັນອອກໄກຂອງຣັດເຊຍ ເມື່ອເດືອນກັນຍາປີກາຍ, ປະທານາທິບໍດີປູຕິນໄດ້ສະເໜີໃຫ້ຜູ້ນຳ ສປປ ເກົາຫລີ ຮູ້ຈັກລົດກັນກະສູນສີດຳຄັນໜຶ່ງ ແລະ ທ່ານ ຄິມ ຈອງອຸນຖືກໃຈຫລາຍ. ດັ່ງນັ້ນ ການມາຢ້ຽມຢາມຄັ້ງນີ້ທ່ານປູຕິນຈຶ່ງໄດ້ມອບລົດຄັນນີ້ໄວ້ເປັນທີ່ລະນຶກໃຫ້ ທ່ານ ຄິມ ຈອງອຸນ.
