ປະທານາທິບໍດີຣັດເຊຍ ວາລາດີເມຍ ປູຕິນ ຢ້ຽມຢາມຫວຽດນາມ ເພື່ອເຊັນສັນຍາຮ່ວມມືໃນຫລາຍຂົງເຂດວຽກງານ

ຂ່າວໜັງສືພິມ Vnamnet ຂອງຫວຽດນາມ ລາຍງານ ວັນທີ 20 ມິຖຸນາ 2024 ນີ້ວ່າ: ຕອນເຊົ້າມືດຂອງວັນທີ 20 ມິຖຸນານີ້ ທ່ານ ວາລາດີເມຍ ປູຕິນ ປະທານາທິບໍດີຣັດເຊຍ ພ້ອມຄະນະ ໄດ້ເດີນທາງເຖິງສະໜາມບິນສາກົນ ໂນຍບາຍ ຂອງຫວຽດນາມ ເພື່ອຢ້ຽມຢາມ ປະເທດ ສສ ຫວຽດນາມ.

ເຂົ້າຮ່ວມໃນຄະນະຂອງທ່ານປູຕິນຄັ້ງນີ້ລວມມີບຸກຄົນສຳຄັນໃນຄະນະລັດຖະບານຣັດເຊຍເຊັ່ນ: ລັດຖະມົນຕີກະຊວງຕ່າງປະເທດ ທ່ານ ເຊີເກ ລາວະລອບ (Sergey Lavrov), ທ່ານດີມີຕຣີ ເຊນີເຊັນໂກ ( Dmitry Chernyshenko ) ຮອງນາຍົກລັດຖະມົນຕີ ປະທານການແບ່ງງານຂອງຣັດເຊຍໃນຄະນະກຳມາທິການປະສານງານກັບລັດຖະບານຫວຽດນາມ-ຣັດເຊຍກ່ຽວກັນການຮ່ວມມືເສດຖະກິດ-ການຄ້າ ແລະ ວິທະຍາສາດ- ເຕັກໂນໂລຊີ, ແລະ ການນຳຄົນສຳຄັນອື່ນໆ ອີກຫລາຍທ່ານ.

ເອກອັກຄະລັດຖະທູດຣັດເຊຍປະຈຳຫວຽດນາມໃຫ້ຮູ້ວ່າ: ປະທານາທິບໍດີຣັດເຊຍ ທ່ານປູຕິນຈະພົບປະກັບການນຳລະດັບສູງຂອງຫວຽດນາມ ແລະ ຈະໄປພົບປະກັບນັກສຶກສາທີ່ຮຽນຈົບຈາກ ສະຫະພາບໂຊວຽດໃນເມື່ອກ່ອນ ແລະ ຣັດເຊຍໃນປັດຈຸບັນ.

ສອງຝ່າຍຈະມີຖະແຫລງການຮ່ວມ ແລະ ມີການເຊັນສັນຍາຮ່ວມມືໃນຂົງເຂດການສຶກສາມະຫາ ວິທະຍາໄລ, ຂົງເຂດຍຸຕິທຳ, ລະບຽບດານດ້ານພາສີ, ສາທາລະນະສຸກ, ພະລັງງານ ແລະ ຜ່ານຮ່າງການຈັດຕັ່ງດ້ານວິທະຍາສາດ ດັ່ງນີ້ເປັນຕົ້ນ.