ທ່ານ ທຣຳ ຈະບໍ່ເຂົ້າຮ່ວມກອງປະຊຸມ ອາຊີຕາເວັນອອກໃນລະຫວ່າງ ຢ້ຽມຢາມອາຊີ
ປະທານາທິບໍດີ ໂດນັນ ທຣຳ ຜູ້ນຳອາເມລິກາ ຈະບໍ່ເຂົ້າຮ່ວມກອງປະຊຸມສຸດຍອດອາຊີຕາເວັນອອກ ເຊິ່ງເປັນໜຶ່ງໃນເວທີສຳຄັນ ລະຫວ່າງທີ່ທ່ານມີກຳນົດການຢ້ຽມຢາມອາຊີໃນເດືອນໜ້າ.
ທຳນຽບຂາວອາເມລິກາຖະແຫລງວ່າ: ປະທານາທິບໍດີ ທຣຳ ຈະເດີນທາງກັບອາເມລິກາໃນວັນທີ 14 ພະຈິກ ເຊິ່ງເປັນວັນດຽວກັບທີ່ມີກອງປະຊຸມສຸດຍອດອາຊີຕາເວັນອອກ (EAS) ຢູ່ຟີລິບປິນ. ນອກຈາກນີ້ ທ່ານ ທຣຳ ຍັງມີກຳນົດເຂົ້າຮ່ວມກອງປະຊຸມສຸດຍອດສະມາຄົມສະຫະປະຊາຊາດອາຊີຕາເວັນອອກສຽງໃຕ້ (ອາຊຽນ) ຢູ່ຟີລິບປິນໃນວັນກ່ອນນັ້ນ. ເຖິງຢ່າງໃດກໍຕາມ, ທຳນຽບຂາວລະບຸວ່າ: ຈະມີຜູ້ແທນອາເມລິກາເຂົ້າຮ່ວມກອງປະຊຸມ EAS, ແຕ່ບໍ່ໄດ້ໃຫ້ເຫດຜົນທີ່ຜູ້ນຳອາເມລິກາບໍ່ເຂົ້າຮ່ວມກອງປະຊຸມ. ຟີລິບປິນຈະເປັນປະເທດສຸດທ້າຍຂອງປະທານາທິບໍດີ ທຣຳ ໃນການຢ້ຽມຢາມອາຊີຄັ້ງທຳອິດ 5 ປະເທດ 12 ວັນ ໂດຍມີກຳນົດຢ້ຽມຢາມຍີ່ປຸ່ນ, ສ.ເກົາຫລີ, ຈີນ ແລະ ເຂົ້າຮ່ວມກອງປະຊຸມສຸດຍອດຢູ່ຫວຽດນາມ.
