ຜູ້ແທນບັນເທົາທຸກຂອງ UN ຢ້ຽມຢາມເຢເມນເປັນຄັ້ງທຳອິດ
ເຈົ້າໜ້າທີ່ລະດັບສູງດ້ານກິດຈະການບັນເທົາທຸກສະຫະປະຊາຊາດເດີນທາງເຖິງເມືອງເອເດນຂອງເຢເມນໃນວັນທີ 24 ຕຸລາຕາມເວລາທ້ອງຖິ່ນ ຕາມພາລະກິດຢ້ຽມຢາມເປັນເວລາ 5 ວັນ ໂດຍມີຈຸດມຸ່ງໝາຍເພື່ອຮຽກຮ້ອງການຊ່ວຍເຫລືອໃຫ້ເຢເມນ ເຊິ່ງປະສົບວິກິດອະຫິວາລະບາດ.
ທ່ານ ມາກ ໂລຄອກ ຜູ້ປະສານງານກິດຈະການບັນເທົາທຸກສຸກເສີນແຫ່ງສະຫະປະຊາຊາດ ກ່າວວ່າ: ທ່ານຕັດສິນໃຈຢ້ຽມຢາມເຢເມນ ເນື່ອງຈາກວິກິດດ້ານມະນຸດສະທຳທີ່ຍັງຮ້າຍແຮງເລື້ອຍໆ, ນີ້ຖືເປັນການຢ້ຽມຢາມເຢເມນຄັ້ງທຳອິດນັບແຕ່ທ່ານເຂົ້າຮັບຕຳແໜ່ງໃນວັນທີ 1 ກັນຍາ. ຜູ້ແທນ UN ກ່າວວ່າ: ການຢ້ຽມຢາມຄັ້ງນີ້ລວມທັງພົບປະກັບເຈົ້າໜ້າທີ່ຢູ່ເມືອງເອເດນ ເຊິ່ງເປັນຖານທີ່ໝັ້ນຂອງລັດຖະບານເຢເມນ ເຊິ່ງບັນຫາໃຫ້ການຮັບຮອງ ລວມທັງພົບກັບປະຊາຊົນທີ່ໄດ້ຮັບຜົນກະທົບຈາກຄວາມຂັດແຍ່ງ ແລະ ການສູ້ຮົບຢູ່ເຢເມນ. ທ່ານ ໂລຄອກ ກ່າວວ່າ: ທ່ານມີແຜນພົບກັບປະຊາຊົນເຢເມນທີ່ໄດ້ຮັບຄວາມເດືອດຮ້ອນ ເພື່ອຮັບຟັງບັນຫາຂອງພວກເຂົາ ແລະ ນຳເຂົ້າສູ່ການພິຈາລະນາຮ່ວມກັບປະຊາຄົມໂລກຕໍ່ໄປ. ທັງນີ້ ສະຫະປະຊາຊາດລະບຸເຢເມນໃນລາຍຊື່ປະເທດທີ່ປະສົບວິກິດດ້ານມະນຸດສະທຳຄັ້ງຮ້າຍແຮງທີ່ສຸດເປັນອັນດັບໜຶ່ງຂອງໂລກ.
