ປີໃໝ່ຈົ່ງໃສ່ໃຈໃນການຕິດຕາມກວດກາຜູ້ຂັບລົດໂດຍສານໃຫ້ເຂັ້ມງວດ

ປີໃໝ່ລາວປີນີ້ເຫັນວ່າໄດ້ ພັກຫລາຍວັນອາດເປັນເງື່ອນ ໄຂດີໃຫ້ຫລາຍຄົນຖືໂອກາດນີ້ເພື່ອ ເດີນທາງໄປຢ້ຽມຢາມ ຄອບຄົວພໍ່ແມ່ຍາດພີ່ນ້ອງ ແລະ  ສະຫລອງເທສະການດັ່ງກ່າວ ໃນຖິ່ນຖານບ້ານ ເກີດຂອງຕົນ.  ເຊິ່ງການເດີນທາງໄປມາສ່ວນ ໃຫຍ່ແມ່ນຕ້ອງໄດ້ໃຊ້ບໍລິການ ລົດໂດຍສານສາທາລະນະ, ແຕ່ ສິ່ງທີ່ສັງຄົມມີຄວາມເປັນຫວ່ງກໍແມ່ນປັນຫາອຸປະຕິເຫດຕາມຖະໜົນ, ເຊິ່ງແຕ່ລະປີໄດ້ມີການສູນເສຍຊີວິດ  ແລະ ຊັບສິນ,  ມາແລ້ວເປັນຈຳນວນບໍ່ໜ້ອຍ, ສົ່ງຜົນສະທ້ອນອັນບໍ່ດີ, ຕໍ່ຄວາມ ສະຫງົບສຸກຂອງບ້ານເມືອງ.
ດັ່ງກົມຕຳຫລວດຈາລະ ຈອນໃຫ້ຮູ້ວ່າ:ໃນປີ 2016 ຜ່ານ ມາສະເພາະແຕ່ວັນຂຶ້ນປີໃໝ່ວັນ ທີ 13-16 ເມສາມີອຸປະຕິເຫດ ເກີດຂຶ້ນ 207 ຄັ້ງ, ມີຜູ້ເສຍຊີວິດ  23 ຄົນ. ຕໍ່ສະພາບດັ່ງກ່າວມັນມີຄວາມຈຳເປັນ ຫລາຍທີ່ພວກ ເຮົາຈະຕ້ອງໄດ້ພ້ອມກັນເປັນ ເຈົ້າການຕ້ານ ແລະ ສະກັດກັ້ນ ສະພາບອຸປະຕິເຫດອັນບໍ່ເພິ່ງ ປາຖະໜາດັ່ງກ່າວໃຫ້ຫລຸດ ຜ່ອນລົງ.
ໂດຍສະເພາະແມ່ນຊ່ວຍ ໄລຍະເລັ່ງດ່ວນ, ທີ່ຈະມີການ ເດີນທາງຂອງຜູ້ໂດຍສານດ້ວຍ ມາດຕະການຕ່າງໆຄື: ໜຶ່ງຜູ້ປະ ກອບການຕ້ອງເອົາໃຈໃສ່ກວດກາເຕັກນິກ ແລະ ຄວາມພ້ອມ ຕ່າງໆຂອງລົດໂດຍສານ, ສອງ  ແມ່ນຕ້ອງໄດ້ເອົາໃຈໃສ່ຕິດຕາມຄຸ້ມຄອງຜູ້ຂັບຂີ່ໂດຍສານໃຫ້ດີ,    ຫ້າມບໍ່ໃຫ້ດື່ມສິ່ງມືນເມົາ ແລະ  ເສບຢາ ເສບຕິດ, ວາງມາດຕະ ການເຂັ້ມງວດໃນຄວາມຕື່ນຕົວ  ແລະ ມີສະຕິປະຕິບັດລະບຽບ ຈາລະຈອນ ແລະ ອື່ນໆ.
ເພື່ອແນໃສ່ສະກັດກັ້ນ ສະພາບການເກີດອຸປະຕິເຫດ  ແລະ  ເຮັດໃຫ້ການສະເຫລີມສະຫລອງປີໃໝ່ ມີບັນຍາກາດເບີກ ບານມ່ວນຊື່ນ.