ອາເມລິກາ ແລະ ຫລາຍປະເທດ ອອກຖະແຫລງການຮ່ວມ ຮຽກຮ້ອງອິດສະລາແອນ-ຮາມັດ ບັນລຸຂໍ້ຕົກລົງຢຸດຍິງ
ເວັບໄຊທໍານຽບຂາວອາເມລິກາ ເຜີຍແຜ່ຖະແຫລງການຮ່ວມຈາກຜູ້ນໍາອາເມລິກາ, ໄທ, ອາເຈນຕິນາ, ໂອຕຣິດ, ເບຣຊິນ, ບຸນກາລີ, ການາດາ, ໂກລົມບີ, ດານມາກ, ຝຣັ່ງ, ເຢຍລະມັນ, ໂປໂລຍ, ປ໋ອກຕຸຍການ, ໂຣມານີ, ແຊັກບີ, ແອັສປາຍ ແລະ ອັງກິດ ກໍລະນີສະຖານະການສູ້ຮົບຢູ່ເຂດກາຊາ ໂດຍສະແດງຄວາມກັງວົນຕໍ່ກໍລະນີກຸ່ມ ອິດສະລາແອນ-ຮາມັດ ຍັງຄວບຄຸມຕົວປະກັນໄວ້ໃນເຂດກາຊາ ພ້ອມສະໜັບສະໜູນການເດີນໜ້າຂໍ້ຕົກລົງຢຸດຍິງ ແລະ ປ່ອຍຕົວປະກັນ.
“ຜູ້ນໍາຂອງຫລາຍປະເທດມີຄວາມກັງວົນຕໍ່ຕົວປະກັນທີ່ຖືກຮາມັດຄວບຄຸມຕົວຢູ່ເຂດກາຊາ ເຊິ່ງລວມທັງພົນລະເມືອງຂອງພວກເຮົາຈໍານວນຫລາຍ, ພວກເຮົາສະໜັບສະໜູນການເດີນໜ້າໄປສູ່ການຢຸດຍິງ ແລະ ຂໍ້ຕົກລົງປ່ອຍຕົວປະກັນ ເຊິ່ງປັດຈຸບັນຢູ່ໃນໂຕະເຈລະຈາ”.
ຂະນະທີ່ຖະແຫລງການຍັງຮຽກຮ້ອງຜູ້ນໍາອິດສະລາແອນ ແລະ ຮາມັດໃຫ້ໃຊ້ຄວາມປານີປານອມ ເພື່ອບັນລຸຂໍ້ຕົກລົງຢຸດຍິງ ແລະ ປ່ອຍຕົວປະກັນ ແລະ ຊີ້ວ່າຂໍ້ຕົກລົງສະບັບນີ້ຈໍາເປັນສໍາລັບຈຸດເລີ່ມຕົ້ນໃນການຢຸດສົງຄາມ.
“ພວກເຮົາຮູ້ວ່າຂໍ້ຕົກລົງນີ້ຈະນໍາໄປສູ່ການຢຸດຍິງ ລະ ການຟື້ນຟູເຂດກາຊາໂດຍທັນທີ, ຄຽງຄູ່ໄປກັບການຮັບປະກັນຄວາມໝັ້ນຄົງສໍາລັບຊາວອິດສະລາແອນ ແລະ ຊາວປາແລັສຕິນ ແລະ ເປັນໂອກາດສໍາລັບສັນຕິພາບໃນໄລຍະຍາວທີ່ຍືນຍົງຍິ່ງຂຶ້ນ ຕະຫລອດຈົນການແກ້ໄຂບັນຫາແບບສອງລັດ (Two State Solution) ໃນໄລຍະເວລາຊີ້ຂາດນີ້ ພວກເຮົາຂໍຮຽກຮ້ອງຜູ້ນໍາຂອງອິດສະລາແອນ ແລະ ຮາມັດໃຫ້ປານີປານອມຂັ້ນສຸດທ້າຍ ເຊິ່ງຈໍາເປັນສໍາລັບການບັນລຸຂໍ້ຕົກລົງນີ້ ແລະ ນໍາພາການບັນເທົາທຸກມາສູ່ຄອບຄົວຂອງຕົວປະກັນ. ເຊັ່ນດຽວກັບຜູ້ທີ່ຢູ່ໃນທັງສອງຝ່າຍຂອງຄວາມຂັດແຍ່ງອັນຮ້າຍແຮງນີ້ ເຊິ່ງລວມທັງພົນລະເຮືອນ ເຖິງເວລາແລ້ວທີ່ສົງຄາມຈະຢຸດ ແລະ ຂໍ້ຕົກລົງນີ້ຄືຈຸດເລີ່ມຕົ້ນທີ່ຈໍາເປັນ”.
ອ້າງອີງ:
- https://www.whitehouse.gov/briefing-room/statements-releases/2024/06/06/joint-statement-from-the-leaders-of-the-united-states-argentina-austria-brazil-bulgaria-canada-colombia-denmark-france-germany-poland-portugal-romania-serbia-spain-thailand-and-the-uni/
- https://www.mfa.go.th/th/content/statement-thai-hostages-gaza
