ບໍລິສັດລາວແລນໂລເວີ ນຳສະເໜີລົດຮຸ້ນໃໝ່
ເມື່ອທ້າຍອາທິດຜ່ານມານີ້, ບໍລິສັດ ລາວ ແລນໂລເວີ ໄດ້ນຳສະເໜີລົດຮຸ້ນໃໝ່ຄື ອໍນິວ ດິສໂຄເວີຣີ (All New Discovery) ເປັນລົດທີ່ມີສະມັດຖະພາບສູງ ແລະ ເຕັກໂນໂລຊີທັນສະໄໝ.
ທ່ານ ດີລິບ ເຈຊູທາຊານ ຜູ້ຈັດການທົ່ວໄປຂອງບໍລິສັດ ແລນໂລເວີລາວ ໃຫ້ຮູ້ວ່າ: All New Discovery ໄດ້ຮັບການອອກແບບມາເພື່ອລູກຄ້າ Land Rover ທີ່ມັກໃນແບບລົດຄອບຄົວ SUV ທີ່ດີສຸດໃນໂລກໃນປັດຈຸບັນ ແລະ ປະຢັດນ້ຳມັນອີກດ້ວຍ, ມີຂະໜາດ 7 ບ່ອນນັ່ງໃຫຍ່ ປະກອບດ້ວຍ 3 ແຖວທີ່ສະດວກສະບາຍ, ພ້ອມນີ້ທ່ານສາມາດກຳນົດທຸກຢ່າງໄດ້ຜ່ານສະມາດໂຟນ ໂດຍໃຊ້ເຕັກໂນໂລຊີ Intelligent Seat Fold ແບບລີໂມດ ເຊິ່ງເປັນນະວັດຕະກຳທຳອິດຂອງໂລກ, ມີເຕັກໂນໂລຊີລະບົບທີ່ມີຄວາມປອດໄພລ້ຳໜ້າທັນສະໄໝ ແລະ ສາມາດຂັບຂີ່ໄປໄດ້ໃນທຸກສະພາບຂອງຖະໜົນ.
