ອັງກິດຈະຈັດການເລືອກຕັ້ງທົ່ວໄປຄັ້ງໃໝ່ໃນວັນທີ 4 ກໍລະກົດປີນີ້ ເປັນການເລືອກຕັ້ງໄວກວ່າກຳນົດ

May 24, 2024 - 10:10 AM

ອັງກິດຈະຈັດການເລືອກຕັ້ງທົ່ວໄປຄັ້ງໃໝ່ໃນວັນທີ 4 ກໍລະກົດປີນີ້ ເປັນການເລືອກຕັ້ງໄວກວ່າກຳນົດ - kitchen vibe - ອັງກິດຈະຈັດການເລືອກຕັ້ງທົ່ວໄປຄັ້ງໃໝ່ໃນວັນທີ 4 ກໍລະກົດປີນີ້ ເປັນການເລືອກຕັ້ງໄວກວ່າກຳນົດ

ວັນທີ 22 ພຶດສະພາ, ທ່ານ ຣິຊີ ຊູນັກ ນາຍົກລັດຖະມົນຕີອັງກິດ ຖະແຫລງຂ່າວວ່າ: ອັງກິດຈະຈັດການເລືອກຕັ້ງທົ່ວໄປໃນວັນທີ 4 ກໍລະກົດ ເຊິ່ງໄວກວ່າທີ່ເຄີຍຄາດຄະເນວ່າຈະຈັດຂຶ້ນໃນເດືອນຕຸລາ ຫລື ພະຈິກ ແລະ ຖືເປັນການຈັດເລືອກຕັ້ງໃນເດືອນກໍລະກົດຄັ້ງທໍາອິດຂອງອັງກິດນັບແຕ່ປີ 1945. ການປະກາດຈັດການເລືອກຕັ້ງໃໝ່ດັ່ງກ່າວ ມີຂຶ້ນທ່າມກາງລາຍງານອັດຕາເງິນເຟີ້ປະຈໍາປີຂອງອັງກິດຫລຸດລົງສູ່ລະດັບຕໍ່າສຸດໃນຮອບເກືອບ 3 ປີ.

ໃນການຖະແຫລງຂ່າວ, ທ່ານ ຊູນັກ ປະກາດຢ່າງໜັກແໜ້ນວ່າ: “ເຖິງເວລາແລ້ວທີ່ອັງກິດຈະເລືອກອະນາຄົດ” ໂດຍຊີ້ວ່າ: ອັດຕາເງິນເຟີ້ທີ່ຫລຸດລົງ ລວມທັງການຟື້ນຕົວຂອງອັງກິດຈາກສະພາບຫລຸດຖອຍນັບແຕ່ຕົ້ນປີຜ່ານມາ ເປັນຂໍ້ພິສູດວ່າແຜນງານທີ່ທ່ານກໍານົດໄວ້ນັ້ນໄດ້ຜົນ ແລະ ຢືນຢັນວ່າ: ປະຊາຊົນສາມາດໃຫ້ຄວາມໄວ້ວາງໃຈຕໍ່ພັກຄອນເຊີເວທີບ (Conservative Party) ໃນການເປັນຜູ້ນໍາປະເທດທ່າມກາງໄລຍະເວລາແຫ່ງຄວາມໄຮ້ສະຖຽນລະພາບທີ່ປາກົດຂຶ້ນທົ່ວໂລກ.

  ໃນການປາໄສຜ່ານທາງໂທລະພາບ ທ່ານ ຣິຊີ ຊູນັກ ປະກາດວ່າ: ການເລືອກຕັ້ງຄັ້ງນີ້ຈະເປັນການເປີດໂອກາດໃຫ້ປະຊາຊົນອອກໄປໃຊ້ສິດເພື່ອເຮັດໃຫ້ເກີດການປ່ຽນແປງ ແລະ ຢືນຢັນວ່າ: “ເຖິງເວລາສໍາລັບການປ່ຽນແປງ ແລະ ຢຸດຄວາມວຸ້ນວາຍຕ່າງໆ ທີ່ເກີດຈາກພັກຄອນເຊີເວທີບ.

ອ້າງອີງ: