Remarkable ແທັບເລັດດິຈິຕອນ ທີ່ໃຫ້ສໍາຜັດຄືເຈ້ຍຢ່າງເປັນທໍາມະຊາດ

ການເຮັດວຽກ, ການຮຽນ ຫຼື ການອ່ານໃນປັດຈຸບັນນີ້ ຕ້ອງຍອມຮັບວ່າອຸປະກອນເອເລັກໂຕຣນິກເຊັ່ນໂທລະສັບ ຫຼື ແທັບເລັດນັ້ນ ສາມາດຕອບສະໜອງສິ່ງເຫຼົ່ານີ້ໄດ້ເປັນຢ່າງດີ ແລະ ຍັງຊ່ວຍໃຫ້ຫຼຸດການໃຊ້ເຈ້ຍລົງໄດ້ເປັນຫຼາຍ. ແຕ່ແນວໃດກໍຕາມ ຍັງມີອີກຫຼາຍຄົນທີ່ມັກສໍາຜັດຈາກການໃຊ້ເຈ້ຍໃນການເຮັດວຽກ ຫຼືການອ່ານໜັງສືເຊັ່ນກັນ ດ້ວຍເຫດນີ້ຈຶ່ງເຮັດໃຫ້ເກີດການພັດທະນາ Remarkable ຂຶ້ນມາ.

- 2 - Remarkable ແທັບເລັດດິຈິຕອນ ທີ່ໃຫ້ສໍາຜັດຄືເຈ້ຍຢ່າງເປັນທໍາມະຊາດ

- Visit Laos Visit SALANA BOUTIQUE HOTEL - Remarkable ແທັບເລັດດິຈິຕອນ ທີ່ໃຫ້ສໍາຜັດຄືເຈ້ຍຢ່າງເປັນທໍາມະຊາດ

Remarkable ຖືກອະທິບາຍໂດຍຜູ້ຜະລິດວ່າ: ມັນບໍ່ແມ່ນແທັບເລັດ ແຕ່ເປັນອຸປະກອນເອເລັກໂຕຣນິກເຈ້ຍ ແຕ່ດ້ວຍລັກສະນະໜ້າຕາທີ່ຄືກັບແທັບເລັດທົ່ວໆໄປ ມັນຈຶ່ງຖືກເອີ້ນງ່າຍໆວ່າ Paper tablet ຫຼືແທັບເລັດເຈ້ຍນັ້ນເອງ. Remarkable ນັ້ນ ບໍ່ສາມາດທີ່ຈະຕິດຕັ້ງແອັບພິເຄຊັນເບິ່ງວິດີໂອ ຫຼື ຖ່າຍຮູບໄດ້ ສິ່ງທີ່ມັນຈະເຮັດໄດ້ນັ້ນຄືການອ່ານ, ການຂຽນ ແລະ ການສະກົດລົງໄປທີ່ຜິວໜ້າຂອງຈໍສະແດງຜົນທີ່ຄ້າຍຄືເຈ້ຍ ເຊິ່ງໃຫ້ຄວາມຮູ້ສຶກຄືການໃຊ້ເຈ້ຍແທ້ໆ.

- 3 - Remarkable ແທັບເລັດດິຈິຕອນ ທີ່ໃຫ້ສໍາຜັດຄືເຈ້ຍຢ່າງເປັນທໍາມະຊາດ

Remarkable ມີຂະໜາດປະມານ 7×10 ນິ້ວ ແລະ ໜາເຄິ່ງນິ້ວ ໂດຍມັນມີນໍ້າໜັກພຽງ 350 ກຣາມ ເທົ່ານັ້ນ, ຕົວເຄື່ອງບໍ່ມີສ່ວນປະກອບທີ່ຜະລິດຈາກແກ້ວ ຈຶ່ງບໍ່ຕ້ອງຢ້ານທີ່ຈະແຕກ.

ຂໍ້ມູນທົ່ວໄປຂອງ Remarkable

ຈໍສະແດງຜົນ Monochrome digital paper ຄວາມລະອຽດ 1872 x 1404 ຂະໜາດ 10.3 ນິ້ວ ພ້ອມລະບົບສໍາຜັດ
ພື້ນທີ່ເກັບຂໍ້ມູນພາຍໃນ 8 GB

ໜ່ວຍຄວາມຈໍາ (RAM) DDR3L 512 MB

ຊາກແບັດເຕີຣີດ້ວຍ Micro USB
ໜ່ວຍປະມວນຜົນ ARM A9 1-GHz
ລະບົບປະຕິບັດການ Linux
ຮອງຮັບເອກະສານແບບ PDF ແລະ ePub
ລະບົບການເຊື່ອມຕໍ່ Wi-Fi
ສໍາຮອງຂໍ້ມູນຜ່ານລະບົບ Cloud

ນອກຈາກນີ້ ໃນການໃຊ້ remarkable ນັ້ນ ຜູ້ໃຊ້ສາມາດເຊື່ອມຕໍ່ remarkable ກັບອຸປະກອນອື່ນໆໄດ້ ລວມເຖິງການ Livestream ກັບ PC ຫຼື Laptop ໄດ້ອີກດ້ວຍ.

- 4 - Remarkable ແທັບເລັດດິຈິຕອນ ທີ່ໃຫ້ສໍາຜັດຄືເຈ້ຍຢ່າງເປັນທໍາມະຊາດ

Remarkable ເໝາະກັບຜູ້ທີ່ມັກການອ່ານໜັງສື ຫຼື ໃຊ້ເຮັດວຽກເຊັ່ນ: ນັກອອກແບບ, ນັກຂຽນ ທີ່ຍັງມັກເຮັດວຽກກັບການໃຊ້ເຈ້ຍ ເຊິ່ງສ່ວນນີ້ຄືຈຸດເດັ່ນຂອງ Remarkable ທີ່ສາມາດເຮັດໃຫ້ຜູ້ໃຊ້ຮູ້ສຶກຄືກັບການໃຊ້ເຈ້ຍແທ້ໆໄດ້. ແຕ່ແນວໃດກໍຕາມ remarkable ນັ້ນ ອາດບໍ່ສາມາດຕອບສະໜອງຕໍ່ຜູ້ໃຊ້ທົ່ວໆໄປໄດ້ດີປານໃດ ໂດຍສະເພາະກຸ່ມຜູ້ໃຊ້ທີ່ເນັ້ນການໃຊ້ທາງດ້ານຄວາມບັນເທີງ ທັງການເບິ່ງວິດີໂອ ຫຼື ຫຼິ້ນເກມເປັນຫຼັກ.

- 5 - Remarkable ແທັບເລັດດິຈິຕອນ ທີ່ໃຫ້ສໍາຜັດຄືເຈ້ຍຢ່າງເປັນທໍາມະຊາດ

ລາຄາຂອງ reMarkable ຫຼື Paper tablet ນັ້ນຢູ່ທີ່ 20.000 ບາດ (ສະກຸນເງິນໄທ) ໂດຍ remarkable ຈະມາພ້ອມກັບ Marker, Marker tips ແລະ ສາຍສໍາລັບຕໍ່ພວງອຸປະກອນ ຫຼື ສໍາລັບການສາກແບັກເຕີຣີ ແລະ ຈາກການເປີດເຜີຍຂອງບໍລິສັດຜູ້ຜະລິດເຖິງຍອດຂາຍນັ້ນ ພວກເຂົາໄດ້ລະບຸວ່າ ສາມາດຂາຍ remarkable ໄປແລ້ວໄດ້ຫຼາຍກວ່າ 35.000 ເຄື່ອງ.