ສູນກາງຫວຽດນາມສະເໜີບຸກຄະລາກອນເພື່ອເລືອກຕັ້ງປະທານປະເທດ ແລະ ປະທານສະພາແຫ່ງຊາດ

ຂ່າວ VnExpress ຂອງຫວຽດນາມ ລາຍງານ ວັນທີ 16 ພຶດສະພາ 2024 ນີ້ວ່າ: ສູນກາງຫວຽດນາມໄດ້ສະເໜີບຸກຄະລາກອນຕໍ່ ສະພາແຫ່ງຊາດ ເພື່ອໃຫ້ເລືອກຕັ້ງປະທານປະເທດສະໄໝ 2021-2026 ແລະ ປະທານສະພາແຫ່ງຊາດຊຸດທີ 15, ຫ້ອງວ່າການສູນກາງພັກຫວຽດນາມເປັນຜູ້ປະກາດຂ່າວນີ້ໃນຕອນບ່າຍວັນທີ 16 ພຶດສະພານີ້ ໃນວາລະດຳເນີນກອງປະຊຸມມື້ທຳອິດຂອງສູນກາງຄັ້ງທີ 9 ສະ ໄໝທີ 13. ເຊິ່ງດຳເນີນໄປແຕ່ວັນທີ 16-18 ພຶດສະພານີ້.

ອີງຕາມຂໍ້ກົດນົດເລກທີ 214 ຂອງຄະນະບໍລິຫານສູນກາງກຳນົດວ່າ: ຜູ້ທີ່ຈະເປັນປະທານປະເທດ, ປະທານສະພາແຫ່ງຊາດຕ້ອງແມ່ນຜູ້ທີ່ໄດ້ດຳລົງໃນກຳມະການກົມການເມືອງ 1 ສະໄໝຂຶ້ນເມືອ, ຖ້າເປັນກໍລະນີພິເສດຕ້ອງແມ່ນຄະນະບໍລິຫານງານສູນກາງເປັນຜູ້ຕັດສິນ.

ຜູ້ທີ່ຈະເປັນປະທານປະເທດຕ້ອງແມ່ນກຳມະການກົມການເມືອງ, ຄະນະເລຂາທິການ, ມີຄຸນທາດ ແລະ ຄວາມສາມາດທີ່ພົ້ນເດັ່ນຮອບດ້ານ ເປັນຕົ້ນແມ່ນການພົວພັນພາຍໃນ, ພາຍນອກ, ຮັບຮູ້ວຽກງານປ້ອງກັນຊາດ ປ້ອງກັນຄວາຍສະຫງົບເປັນຢ່າງດີ.

ຜູ້ທີ່ຈະເປັນປະທານສະພາແຫ່ງຊາດຕ້ອງມີຄວາມຮູ້ເລິກເຊິ່ງໃນລະບົບກົດໝາຍຫວຽດນາມ ແລະ ລະບົບກົດໝາຍຂອງສາກົນເປັນຢ່າງດີ, ມີຄວາມສາມາດບໍລິຫານທີ່ມີຄຸນນະພາບ, ມີປະສິດທິຜົນຂອງກອງປະຊຸມສະພາແຫ່ງຊາດແຕ່ລະຄັ້ງ, ຂອງຄະນະປະຈຳສະພາແຫ່ງຊາດ, ມີບົດບາດສູງ, ມີຄວາມເດັດຂາດໃນການນຳພາ, ມີຄວາມສາມາດທີ່ພົ້ນເດັ່ນຢ່າງແທ້ຈິງ.