ຄູນວິໄລ ຄູດີເດັ່ນຂອງລາວຮັບລາງວັນພະຣາຊະທານ ຈາກມູນນິທິເຈົ້າຟ້າມະຫາຈັກກຣີຄັ້ງທີ 2
ທ່ານ ນາງ ຄູນວິໄລ ເຄນກິດ ຕິສັກ ຜູ້ອຳນວຍການໂຮງຮຽນ ປະຖົມສຶກສາທົ່ງກາງນະຄອນ ຫລວງວຽງຈັນ ທີ່ເປັນຄູດີເດັ່ນ ຂອງ ສປປ ລາວ ໄດ້ຮັບລາງ ວັນພະຣາຊະທານຈາກມູນນິທິ ເຈົ້າຟ້າມະຫາຈັກກຣີ ຄັ້ງນີ້ 2 ທີ່ ບາງກອກ ປະເທດໄທ ປະຈຳ ປີ 2017.
+ ມອບ-ຮັບລາງວັນ “Lao Ricebowl Awards 2017”
+ ລາວ-ໄທເພີ່ມທະວີການຮ່ວມມືດ້ານຊັບພະຍາກອນທຳມະຊາດ ແລະ ສິ່ງແວດລ້ອມ
ຕາມການໃຫ້ສຳພາດ ຂອງ ທ່ານ ນາງ ຄູນວິໄລ ເຄນກິດຕິສັກ ເມື່ອບໍ່ດົນຜ່ານມາວ່າ: ເມື່ອວັນ ທີ 11 ຕຸລານີ້ ໄດ້ຮັບກຽດ ເປັນ ຕົວແທນຄູທີ່ດີເດັ່ນຂອງ ສປປ ລາວ ເພື່ອຮັບລາງວັນ ພະຣາຊະ ທານຈາກ ມູນນິທີ ເຈົ້າຟ້າມະຫາ ຈັກກຣີ ຄັ້ງທີ 2 ທີ່ບາງກອກປະ ເທດໄທ ປະຈຳປີ 2017 ພາຍ ຫລັງຕົນເອງໄດ້ມີວຸດທິຄົບຕາມ ເງື່ອນໄຂ, ການສິດສອນດີເດັ່ນ, ມີຄວາມສາມາດທາງດ້ານການຊ່ວຍເຫລືອຊຸມຊົນຕະຫລອດມາ, ເຊິ່ງເປັນລາງວັນທີມີຄວາມໝາຍຄວາມສຳຄັນເພາະວ່າເປັນຈຸດ ໝາຍອັນສຳຄັນຂອງຂະແໜງ ການສຶກສາໂດຍສະເພາະແມ່ນ ດ້ານການສິດສອນຂອງຄູ ເພາະ ວ່າຄູທຸກຄົນມີຈັນຍາບັນຂອງ ຄວາມເປັນຄູ, ມີຄວາມຮັກ, ຄວາມຜູກພັນ, ເມດຕາກະລູນາ ແລະ ຍາມໃດກໍເປັນຫວ່ງເປັນ ໃຍ ເອົາໃຈໃສ່ເບິ່ງແຍງຕໍ່ນ້ອງນັກ ຮຽນປຽບດັ່ງພໍ່-ແມ່ຜູ້ທີ 2, ທັງ ເປັນຄົນຄອຍສິດສອນອົບຮົມບົ່ມ ນິໄສໃຫ້ນັກຮຽນມີການພັດທະ ນາທັງສະໝອງ, ຈິດໃຈ ແລະ ຮ່າງກາຍ, ສ້າງນັກຮຽນໃຫ້ມີ ຄວາມຮູ້ຄວາມສາມາດກາຍ ເປັນ ບຸກຄະລາກອນມີຄວາມ ຮູ້, ມີຄຸນ ສົມບັດສິນທຳປະຕິວັດ ເພື່ອ ອອກ ໄປຮັບໃຊ້ສັງຄົມ ແລະ ປະ ເທດຊາດໃນອະນາຄົດ.
ຕະຫລອດໄລຍະໃນການ ສິດສອນຢູ່ໂຮງຮຽນປະຖົມສຶກສາທົ່ງກາງ ກໍໄດ້ເຂົ້າຮ່ວມປະຕິ ບັດແຕ່ລະໂຄງການຢ່າງເປັນ ເອກະພາບກັນ ໂດຍໄດ້ຈັດແບ່ງ ຄູໃຫ້ມີຄວາມຮັບຜິດຊອບສູງ ແລະ ໃຫ້ຂຽນໂຄງການຜ່ານ ຜູ້ອຳນວຍການເພື່ອເຕົ້າໂຮມ ຜ່ານອຳນາດການປົກຄອງ ບ້ານ, ຄະນະພັດທະນາ ການສຶກ ສາກ່ອນຈະນຳໄປຜ່ານຫ້ອງ ການສຶກສາທິການ ແລະ ກິລາ ເມືອງ, ຫລັງຈາກນັ້ນ, ກໍພ້ອມປະ ຕິບັດຕົວຈິງ.
ໃນນັ້ນ, ທາງໂຮງຮຽນ ໄດ້ ເຂົ້າຮ່ວມປະຕິບັດຫລາຍໆໂຄງການເຊັ່ນ: ໂຄງການບຳລຸງນັກ ຮຽນອ່ອນ, ໂຄງການສອນພາ ສາງອັງກິດ, ໂຄງການອະນາ ໄມປາກ, ແຂ້ວ ແລະ ລ້າງມື, ໂຄງການສົ່ງເສີມສຸຂະພາບ ໃນໂຮງຮຽນ, ໂຮງຮຽນຄຸນ ນະພາບ, ສອນລູກຄິດຍີ່ປຸ່ນ, ໂຮງຮຽນຂຽວສະອາດ+ຄຸນນະ ພາບດີ, ເລື່ອນຂັ້ນແບບຕໍ່ເນື່ອງ ແລະ ໂຄງການສອນຫລັກສູດ ທ້ອງຖິ່ນ. ຜ່ານການຈັດຕັ້ງການ ຮຽນ-ການສອນ ແລະ ເຂົ້າໂຄງ ການຕ່າງໆ ຈົນໄດ້ກາຍເປັນ ໂຮງຮຽນດີເດັ່ນໃນການ ພັດທະ ນາໃຫ້ເປັນໂຮງຮຽນຄຸນນະພາບ ແລະ ຕົວແບບດີເດັ່ນ.
ທ່ານ ນາງ ຄູນວິໄລ ເຄນ ກິດຕິສັກ ໃຫ້ຮູ້ອີກວ່າ: ຜົນສຳ ເລັດດັ່ງກ່າວນັ້ນ, ກໍຍ້ອນໄດ້ຮັບ ການສະໜັບສະໜູນຈາກຫລາຍພາກສ່ວນ ແຕ່ສິ່ງທີ່ຂາດບໍ່ໄດ້ ແມ່ນຊຸມຊົນ, ອຳນາດການປົກ ຄອງບ້ານ, ຄະນະພັດທະນາ ການສຶກສາຂັ້ນບ້ານ, ຄູ ແລະ ຊຸມຊົນ ທີ່ໄດ້ພົວພັນກັນຢ່າງສະ ໜິດແໜ້ນ. ຂະນະທີ່ ຄູ ກໍໄດ້ພ້ອມ ກັນປະຕິບັດຕົວຈິງຢ່າງເປັນຮູບປະທຳ ແລະ ມີຫລັກໝັ້ນການ ເມືອງແນວຄິດ, ກຳແໜ້ນແນວ ທາງນະໂຍບາຍຂອງພັກວາງ ອອກໃນແຕ່ລະໄລຍະຢ່າງຈະ ແຈ້ງ, ເປັນທັງຜູ້ຮຽນຮູ້, ຄົ້ນຄວ້າ ສິ່ງທີ່ດີ, ຮັກສາອາຊີບຄູ, ເບິ່ງແຍງ ເດັກນ້ອຍຢ່າງດີຕະຫລອດມາ.
ພ້ອມກັນນັ້ນ, ກໍໄດ້ເກັບກ່ຽວ ຜົນງານ, ມີການພັດທະນາຕົນ ເອງ, ຮູ້ແກ້ບັນຫາໃຫ້ທັນກັບ ສະພາບປັດຈຸບັນ ແລະ ດຳລົງ ຊີວິດຢ່າງປອດໃສ, ມີລະບຽບວິ ໄນ ແລະ ກຳຈຸດພິເສດຂອງນັກ ຮຽນ, ໂຮງຮຽນ, ບ້ານ ແລະ ຊຸມ ຊົນທີ່ຕົນສັງກັດຢູ່ ເພື່ອເປັນ ເງື່ອນໄຂໃນການວາງແຜນການ ຮຽນ-ການສອນແຕ່ລະປີໃຫ້ດີ ຂຶ້ນເລື້ອຍໆ.
ສຳລັບທ່ານ ນາງ ຄູນວິໄລ ເຄນກິດຕິສັກ ແມ່ນ ຄູ ຜູ້ໜຶ່ງທີ່ ເປັນແບບຢ່າງທີ່ດີ, ມັກ-ຮັກ ໃນ ອາຊີບ ຄູ ທີ່ໄດ້ທຸ້ມເທເວລາ, ສະຕິ ປັນຍາ, ຮ່າງກາຍ ແລະ ຈິດໃຈ ເພື່ອພັດທະນາການສຶກສາ ກໍຄື ການສິດສອນ ແລະ ຮ່ຳຮຽນ ໃຫ້ ດີຂຶ້ນຈົນເຮັດໃຫ້ນັກຮຽນມີ ຄວາມຮູ້, ມີຄຸນສົມບັດ, ສິນ ທຳ ປະຕິວັດ, ມີຄວາມກ້າວໜ້າ, ສະແຫວງຫາຄວາມຮູ້ໃໝ່ໆ ແລະ ພັດທະນາຕົນເອງໃຫ້ດີ ຂຶ້ນເລື້ອຍໆ.
