ເດືອນເມສາ ຜ່ານມາ ທົ່ວປະເທດ ມີຜູ້ເສຍຊີວິດຈາກອຸປະຕິເຫດ 96 ຄົນ ເພີ່ມຂຶ້ນ 11 ຄົນ
May 16, 2024 - 1:19 PM
ກົມຕໍາຫລວດຈະລາຈອນ ລາຍງານອຸປະຕິເຫດ ທົ່ວປະເທດ ປະຈໍາເດືອນ ເມສາ 2024 ວ່າ: ພຽງເດືອນດຽວທົ່ວປະເທດ ມີອຸປະຕິເຫດທາງທ້ອງຖະໜົນເກີດຂຶ້ນທັງໝົດ 710 ຄັ້ງ ເພີ່ມຂຶ້ນ 161 ຄັ້ງ, ພາຫະນະເປ່ເພ 1.269 ຄັນ, ຄົນໄດ້ຮັບບາດເຈັບ 1.167 ຄົນ ເພີ່ມຂຶ້ນ 249 ຄົນ ແລະ ມີຜູ້ເສຍຊີວິດ 96 ຄົນ ເພີ່ມຂຶ້ນ 11 ຄົນ.
ສຳລັບສາເຫດທີ່ພາໃຫ້ເກີດອຸປະຕິເຫດຕົ້ນຕໍແມ່ນດື່ມສິ່ງມຶນເມົາ ແລ້ວ ຂັບຂີ່ລົດ, ຂັບຂີ່ໄວເກີນກຳນົດ, ບໍ່ປ່ອຍສິດ, ແຊງຂຶ້ນໜ້າບໍ່ຮັບປະກັນ, ປ່ຽນທິດທາງເດີນ, ເຕັກນິກບໍ່ຮັບປະກັນ, ລ່ວງປ້າຍຫ້າມ ແລະ ອື່ນໆ.
ສ່ວນແຂວງທີ່ເກີດອຸປະຕິເຫດຫລາຍກວ່າໝູ່ແມ່ນນະຄອນຫລວງວຽງຈັນ, ແຂວງວຽງຈັນ, ຈຳປາສັກ, ສະຫວັນນະເຂດ ແລະ ຫລວງພະບາງ.
