ເຟເດີເຣີ ຊະນະ ນາດາລ 2-0 ເຊັດ ຄວ້າແຊ໊ມເຕັນນິສ ໄມອາມີ ໂອເພນ ໄປຄອງ

ການແຂ່ງຂັນເຕັນນິສ ເອທີ ພີທົວ ແລະ ດັບເບິລຢູທີເອທົວ ລາຍການ ໄມອາມີ ໂອເພນ ທີ່ ເມືອງໄມອາມີ ລັດຟໍຣິດາ ສະຫະ ລັດ ອາເມຣິກາ ໃນວັນອາທິດ ຜ່ານມາ ເປັນການແຂ່ງຂັນປະ ເພດຊາຍດ່ຽວຮອບຊີງຊະນະ ເລີດ ໂຣເຈີ ເຟເດີເຣີ ມືວາງອັນດັບ 4 ຂອງລາຍການຈາກ ສະວິດເຊີ ແລນ ອາຍຸ 35 ປີ ສະແດງຜົນ ງານໄດ້ດີເດັ່ນ ຫຼັງເອົາຊະນະ ຣາ ຟາເອລ ນາດາລ ຄູ່ປັບຈາກ ສະ ເປນ ໄປໄດ້ຢ່າງງົດງາມ 2-0 ເຊັດ 6-3, 6-4. ສ້າງສະຖິຕິຄວ້າ ແຊ໊ມເປັນລາຍການທີ 3 ໃນ ປີ 2017.

ສຳລັບການຄວ້າແຊ໊ມຄັ້ງນີ້ ເຮັດໃຫ້ ເຟເດີເຣີ ເຊິ່ງເອົາຊະນະ ນາດາລ ໄດ້ຕະຫຼອດ 4 ຄັ້ງຫຼ້າ ສຸດທີ່ພົບກັນ ແລະ ເປັນຄັ້ງທີ 3 ໃນປີນີ້ທີ່ຄວ້າແຊ໊ມລະດັບມາສເຕີໄປແລ້ວ 26 ລາຍການຕາມຫລັງ ໂນວັກ ຢໍໂຄວິດ ຍອດນັກເຕັນ ນິສຄົນ ເຊີເບຍ ທີ່ເຮັດສະຖິຕິ ຄອງແຊ໊ມຫຼາຍຄັ້ງທີສຸດທ້າຍ ພຽງ 2 ຄັ້ງເທົ່ານັ້ນ ແລະ ຍັງເປັນ ການຄວ້າແຊ໊ມມາສເຕີ 1000 ເຖິງ 2 ລາຍການຕິດຕໍ່ກັນເປັນ ຄັ້ງທຳອິດນັບຕັ້ງແຕ່ປີ 2014 ຂອງ ເຟເດີເຣີ ນຳອີກ.